ნადეჟდა სავჩენკოს მხარდასაჭერი აქცია ბათუმში [ფოტო/ვიდეო]

დღეს ბათუმში, უკრაინელი მფრინავი ქალის ნადეჟდა სავჩენკოს მხარდასაჭერი აქცია გაიმართა.

უკრაინელი მფრინავის გათავისუფლების მოთხოვნით აქციები მსოფლიოს მასშტაბით იმართება. მოსკოვში გამართულ აქციაზე 8 მარტს 30-ზე მეტი ადამიანი დააკავეს.

ნადია სავჩენკოსათვის რუსეთის პროკურატურა 23 წლით თავისუფლების აღკვეთას მოითხოვს. მას ბრალად ორი რუსი ჟურნალისტისა და რამდენიმე რუსეთის მოქალაქის მკვლელობა ედება. სავჩენკო აღმოსავლეთ უკრაინაში მოხალისეთა დანაყოფში პილოტად მსახურობდა. ის რუსმა სამართალდამცავებმა 2014 წლის ივნისში დააკავეს და 20 თვეზე მეტია პატიმრობაში იმყოფება.

3 მარტს ნადია სავჩენკომ შიმშილობა დაიწყო.