მთავარი,სიახლეები

ბულვარში მიმდინარე სამუშაოები 15 მაისამდე დასრულდება

07.03.2016 • 1358
ბულვარში მიმდინარე სამუშაოები 15 მაისამდე დასრულდება

ბულვარიბათუმის ძველ ბულვარში მიმდინარე ინფრასტრუქტურული სამუშაოები მიმდინარე წლის მაისის პირველ ნახევარში, სეზონის დაწყებამდე უნდა დასრულდეს.

ბათუმის ბულვარის ადმინისტრაციის ტექნიკური ზედამხედველობისა და კონტროლის სამსახურის უფროსის ირაკლი კოტიას განცხადებით ძველ ბულვარში ორ ალეაში სამუშაოები ხელშეკრულებით 15 აპრილამდე უნდა დასრულდეს, პარალელურად კი დაიწყება მესამე [შუა] ალეას აღდგენის სამუშაოები რისთვისაც ჯერ ტენდერი გამოცხადდება.

IMG14527„შუა ალეას აღდგენაზე პროექტი შეთანხმებულია ბათუმის მუნიციპალიტეტთან და გადაგზავნილი გვაქვს აჭარის კულტურული მემკვიდრეობის დაცვის სააგენტოში. ამ ეტაპზე ველოდებით კულტურული მემკვიდრეობის დაცვის სააგენტოდან სანებართვო მოწმობას, რის შემდეგაც გამოვაცხადებთ ტენდერს. შუა ალეას აღდგენა სადღაც 5 მაისამდე მაინც უნდა დასრულდეს.“ – განაცხადა ირაკლი კოტიამ.

რაც შეეხება ნინოშვილის ქუჩის გასწვრივ ფილების დაგებას, აქ სამუშაოები, სავარაუდოდ, დღეიდან ორ კვირაში მთლიანად დასრულდება.

ირაკლი კორტიას თქმით საზაფხულო სეზონის განმავლობაში რაიმე მსხვილი ინფრასტრუქტურული პროექტების განხორციელება და შესაბამისი სამუშაოების ჩატარება ბულვარში არ იგეგმება. სეზონის დაწყებამდე, დაახლოებით მაისის შუა რიცხვებამდე კი მიმდინარე სამუშაოები აუცილებლად უნდა დასრულდეს.

ბულვარის ადმინისტრაციის განცხადებით, ამჯერად მათი დაკვეთით მთლიანად შეიცვალა საკანალიზაციო და სანიაღვრე სისტემები, ასევე ელექტროგაყვანილობები. დაიგება დეკორატიუული ფილები. უახლოეს დღეებში შეიღებება ველობილიკები, ამორტიზებულის ნაცვლად ახალი ტრენაჟორები დამონტაჟდება ახალ ბულვარში „ჟილინის არხთან“. მიმდინარე სარემონტო სამუშაოებისთვის ბულვარი სხვადასხვა სახის ფილებსაც შეიძენს [დაზიანებულის შესაცვლელად].

IMG14552

ბულვარში არსებული კლასიკური [ძველი, 3 მეტრიანი] საბაღე სკამებიც კაპიტალურად გარემონტდება. ასეთი სკამი ბულვარში 260 ცალია [200 ხის ფერი, ხოლო 60 მწვანე]

გადაბეჭდვის წესი


ასევე: