Batumelebi | აჭარის მთის სოფლების უმეტესობას მეორე დღეა შუქი არ მიეწოდება აჭარის მთის სოფლების უმეტესობას მეორე დღეა შუქი არ მიეწოდება – Batumelebi
ნეტგაზეთი • RU

აჭარის მთის სოფლების უმეტესობას მეორე დღეა შუქი არ მიეწოდება

მეორე დღეა უშუქოდ არის დარჩენილი აჭარის მაღალმთიანი სოფლების უმრავლესობა. „ენერგო-პრო ჯორჯიას“ ინფორმაციით, აჭარის მთაში უმეტესობას ელექტროენერგიაუ უკვე მიეწოდება, თუმცა ადგილზე პირიქით გვითხრეს, რომ მოსახლეობის დიდ ნაწილს შუქი ამ დრომდე არ აქვს.

„ეტაპობრივად მიმდინარეობს ელექტროენერგიის ჩართვის სამუშაოები,“ – ამბობს ხულოს მერი, ვახტანგ ბერიძე. ხულოს მერიის ინფორმაციით, ამ ეტაპზე ხულოში დაახლოებით 5 ათას აბონენტს მიეწოდება ელექტროენერგია [ხულოში სულ 12 ათასი აბონენტია].

შუახევში შუქი ამ ეტაპზე მხოლოდ ხიჭაურის დასახლებაში აქვთ. შუახევის მერიის პრესცენტრში გვითხრეს, რომ ელექტროენერგიის აღდგენას დღის განმავლობაში ეტაპობრივად ელოდებიან, რადგან აღდგენის სამუშაოები გრძელდება.

რაც შეეხება ქედას, 11 სოფელში აქვთ ელექტროენერგიის პრობლემა და ეტაპობრივად რთავენ შუქს. ქედაში სულ 64 სოფელია.

შუახევსა და ხულოში თოვლის საფარმა თითქმის ერთ მეტრს მიაღწია, რის გამოც ჩაიკეტა სოფლებთან მისასვლელი გზებიც. სინოპტიკოსების ცნობით, აჭარაში 25 დეკემბრიდან გამოიდარებს.

ნეტგაზეთის მასალების სხვა გამოცემებში გადაბეჭდვის წესი
ავტორი