აჭარაში თოვლიანი და ქარიანი ამინდი კიდევ ორ დღეს შენარჩუნდება.
აჭარის რეგიონული ჰიდრომეტეოროლოგიური ობსერვატორიის ინფორმაციით, 22 დეკემბრის 21 საათიდან 23 დეკემბრის 21 საათამდე აჭარაში მოსალოდნელია ღრუბლიანი ამინდი და თოვა, სანაპირო რაიონებში უმეტესად თოვლ-ჭყაპის სახით.
აჭარის მთიან მუნიციპალიტეტებში მოთოვს, ზოგან მოსალოდნელია ძლიერი თოვა, მაღალ მთაში – ქარბუქი.
იქროლებს დასავლეთის მიმართულების ქარი 15-20 მეტრი წამში.
დღეს და ხვალ ჰაერის ტემპერატურა სანაპირო რაიონებში იქნება:
- დღისით: 2 – 7 გრადუსი
- ღამით: -2 – +3 გრადუსი
მაღალ მთაში მოსალოდნელია:
- დღისით: 10 – 15 გრადუსი
- ღამით: 5 – 10 გრადუსი ყინვა
სინოპტიკოსების ცნობით, აჭარაში 24 დეკემბერს მოსალოდნელია დროგამოშვებით თოვა. მომდევნო 2 დღეს კი, 25-26 დეკემბერს, აჭარაში გამოიდარებს.
