22 დეკემბერს „მოგზაურ ბიბლიოთეკას“ ბათუმის №2 საჯარო სკოლის 1ა კლასის მოსწავლეები ესტუმრნენ.
პირველკლასელებმა წიგნები აჩუქეს „მოგზაურ ბიბლიოთეკას“ მაღალმთიან აჭარაში მცხოვრები თანატოლებისთვის.
„პეპი გრძელი წინდა“, „შვლის ნუკრის ნაამბობი“, „წითელქუდა“, „ანა ფრანკის დღიური“, „ტომ სოიერის თავგადასავალი“ და კიდევ ბევრი სხვა წიგნი მოუტანეს პირველკლასელებმა თანატოლებს.
პირველკლასელების მხარდაჭერა „მოგზაურ ბიბლიოთეკას“
პირველკლასელების მხარდაჭერა „მოგზაურ ბიბლიოთეკას“
პირველკლასელების მხარდაჭერა „მოგზაურ ბიბლიოთეკას“
პირველკლასელების მხარდაჭერა „მოგზაურ ბიბლიოთეკას“
„მიხარია, რომ თქვენს პროექტში ჩავერთეთ და გსტუმრობთ მოსწავლეებთან ერთად. მოვედით საჩუქრებით, გვინდა წიგნები გავუგზავნოთ ბავშვებს, რომელთაც წიგნებზე წვდომა არ აქვთ.
სკოლა მაღალმთიან რაიონში დავამთავრე და კარგად ვიცი, თუ რა პრობლემების წინაშე შეიძლება იდგნენ იქაური მოსწავლეები, ამიტომ შესაძლებლობის გამოჩენისთანავე ჩავერთე პროექტში, რომელიც უზრუნველყოფს მაღალმთიანი აჭარის სხვადასხვა სოფელში მცხოვრები ბავშვების წიგნებით მომარაგებას.
მინდა მოვუწოდო ყველა მასწავლებელს, რომლებიც მუშაობენ ქალაქში, დაუკავშირდნენ „მოგზაურ ბიბლიოთეკას“ და ერთად ვაკეთოთ სიკეთე, ამის გაკეთება ძალიან მარტივია.
პირველკლასელების მხარდაჭერა „მოგზაურ ბიბლიოთეკას“
ჩემი კლასიდან ყველა მოსწავლე ჩაერთო „მოგზაური ბიბლიოთეკისთვის“ წიგნების ჩუქების აქტივობაში.
ძალიან გახარებულები იყვნენ მშობლები, როცა მოვუყევი „მოგზაური ბიბლიოთეკის“ შესახებ, მაშინვე აიტაცეს ეს ამბავი და დღეს ყველანი ერთად ვსტუმრობთ „მოგზაურ ბიბლიოთეკას“.
გავაზიაროთ ცოდნა და მივცეთ ამის შესაძლებლობა ჩვენს მოსწავლეებსაც, მეტი რა შეგვიძლია? ჩვენ ამას ვემსახურებით“, – ამბობს მინდია ფუტკარაძე, ბათუმის №2 საჯარო სკოლის დაწყებითი განათლების პედაგოგი.
პირველკლასელები „მოგზაური ბიბლიოთეკის“ მონახულების შემდეგ „ბათუმელების“ რედაქციას ეწვივნენ.
მოსწავლეებმა დაათვალიერეს „ბათუმელების“ სამუშაო სივრცე, მოუსმინეს ზღაპრებს, ითამაშეს და უამრავი ფოტო და ვიდეო გადაიღეს.
„მოგზაურმა ბიბლიოთეკამ“ მაღალმთიანი აჭარის 28 სოფელში უკვე მიიტანა წიგნები, განახლდა 17 სასოფლო და 11 სასკოლო ბიბლიოთეკის ფონდი.
პირველკლასელები „ბათუმელებში“
პირველკლასელები „ბათუმელებში“
პირველკლასელების მხარდაჭერა „მოგზაურ ბიბლიოთეკას“
პირველკლასელების მხარდაჭერა „მოგზაურ ბიბლიოთეკას“
პირველკლასელების მხარდაჭერა „მოგზაურ ბიბლიოთეკას“
პირველკლასელების მხარდაჭერა „მოგზაურ ბიბლიოთეკას“
პირველკლასელები „ბათუმელების“ ნიუსრუმში
