კომპანიამ „აჭარისწყალი ჯორჯია“ ყოველწლიური საინფორმაციო ჟურნალის გამოცემა დაიწყო, რომლის საშუალებითაც მკითხველს შესაძლებლობა აქვს გაეცნოს რა სარგებელი მოაქვს შუახევი ჰესს საქართველოსთვის, რამდენით ზრდის ელექტროენერგიის შიდა გამომუშავებას, რამდენ სამუშაო ადგილს ქმნის, რა სოციალურ პროექტებს ახორციელებს კომპანია, რას გეგმავს სამომავლოდ და ა.შ.
,,ჩვენი, როგორც ინვესტორის პასუხისმგებლობაა საზოგადოების მუდმივი ინფორმირება ჩვენი საქმიანობის შესახებ. შუახევი ჰესის პროექტის დაწყების დღიდან, მუდმივად ვცდილობდით, რომ ჩვენი საქმიანობა ყოფილიყო გამჭვირვალე და პროექტით დაინტერესებული ყველა მხარის ჩართულობა და ინფორმირება მოგვეხდინა, რაც მომავალშიც გაგრძელდება. ახალი საინფორმაციო ჟურნალიც ერთ-ერთი გზაა, რომ დაინტერესებულ ადამიანებს მივაწოდოთ ინფორმაცია ჩვენი საქმიანობის შესახებ“ – განაცხადა კომპანია ,,აჭარისწყალი ჯორჯიას’’ მრჩეველმა სტრატეგიული კომუნიკაციების საკითხებში იზა გოცაძემ.
ჟურნალი სრულად ნახეთ აქ
კომპანია ,,აჭარისწყალი ჯორჯიამ’’ მაღალმთიან აჭარაში განახორციელა 187 მგვტ სიმძლავრის შუახევი ჰესის კასკადის მშენებლობა. შუახევი ჰესი ელექტროენერგიას 2020 წლიდან გამოიმუშავებს და მნიშვნელოვან როლს ასრულებს ენერგო სისტემის მდგრადობის, იმპორტირებული ელექტროენერგიის შემცირებისა და ენერგოუსაფრთხოებისკენ სვლის პროცესში.
