დღეს, 29 ნოემბერს, თბილისის საქალაქო სასამართლოსთან მიხეილ სააკაშვილის მონაწილეობით მიმდინარე სასამართლო პროცესის პარალელურად გამართული საპროტესტო აქციაზე 15 პირი დააკავეს.
ინფორმაციას შსს ავრცელებს.
დაკავებულებს შორისაა გიგი უგულავა.
შსს-ს ცნობით, დაკავება მოხდა პოლიციის კანონიერი მოთხოვნისადმი დაუმორჩილებლობის სამართალდარღვევის ფაქტზე, ადმინისტრაციულ სამართალდარღვევათა კოდექსის 166-ე და 173-ე მუხლების შესაბამისად.
დაპირისპირებისას პოლიციამ, სავარაუდოდ, წიწაკის სპრეი გამოიყენა.
__________
ფოტოზე: აქცია თბილისის საქალაქო სასამართლოსთან. ფოტო: „ნეტგაზეთი“/ნინო ჩიჩუა
