Batumelebi | გამოვლინდა მიწის ნაყოფიერი ფენის მოხსნის ფაქტი გამოვლინდა მიწის ნაყოფიერი ფენის მოხსნის ფაქტი – Batumelebi
ნეტგაზეთი • RU

გამოვლინდა მიწის ნაყოფიერი ფენის მოხსნის ფაქტი

გარემოსდაცვითი ზედამხედველობის დეპარტამენტის ცნობით, სენაკში მიწის ნაყოფიერი ფენის მოხსნის ფაქტი გამოავლინეს.

„სენაკის მუნიციპალიტეტის სოფელ ახალსოფელში, მოქალაქე მიწის ნაყოფიერი ფენის მოხსნასა და გადაადგილებას ახორციელებდა. შედგა შესაბამისი აქტი“ – წერს დეპარტამენტი.

ნიადაგის ნაყოფიერი ფენის მოხსნის შემთხვევაში, სუბიექტი ვალდებულია, საქართველოს გარემოსა და ბუნებრივი რესურსების დაცვის სამინისტროში შესათანხმებლად წარმოადგინოს რეკულტივაციის გეგმა/პროექტი ან ინფორმაცია კონსერვაციის შესახებ ადგილმდებარეობისა და ნიადაგის მოცულობის მითითებით.

მიწის ნაყოფიერი ფენის მოხსნა ნებართვის გარეშე ადმინისტრაციულ სამართალდარღვევათა კოდექსის მიხედვით ჯარიმდება.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com