Batumelebi | სად მოგთხოვენ მწვანე პასპორტს პირველი დეკემბრიდან სად მოგთხოვენ მწვანე პასპორტს პირველი დეკემბრიდან – Batumelebi
ნეტგაზეთი • RU

სად მოგთხოვენ მწვანე პასპორტს პირველი დეკემბრიდან

საქართველოს მთავრობასთან არსებული საკოორდინაციო საბჭოს გადაწყვეტილებით, პირველი დეკემბრიდან მოქალაქეები მხოლოდ და მხოლოდ „მწვანე პასპორტის“ პრინციპით შეძლებენ შესვლას გარკვეულ ადგილებში.

„მწვანე პასპორტის“ გარეშე შესვლა არ იქნება დაშვებული:

  • კვების ობიექტებში: რესტორნებში, კაფეებსა და ბარებში,  როგორც ღია, ისე დახურულ სივრცეებში
  • კინოთეატრებში
  • თეატრებში
  • ოპერაში
  • მუზეუმებში
  • საკონცერტო დარბაზებში
  • გასართობ ცენტრებში
  • სამორინეებსა და სათამაშო ბიზნესის ობიექტებზე
  • სპაცენტრებში
  • ფიტნესდარბაზებში
  • სასტუმროებში
  • სამთო კურორტების საბაგირო გზებზე

მთავრობის ცნობით, „მწვანე პასპორტის“ მოთხოვნა გავრცელდება ჩამოთვლილი ობიექტების სტუმრებზე.

რაც შეეხება საბავშვო-გასართობ ცენტრებს, „მწვანე პასპორტი“ აქ მხოლოდ 18 წელს გადაცილებულ მოქალაქეებს მოეთხოვება.

„მწვანე პასპორტი“ არ ვრცელდება მაღაზიებზე, აფთიაქებსა და ტრანსპორტზე.

ამავე თემაზე: 

200 ლარს მიიღებს ყველა პენსიონერი, ვინც იანვრამდე აიცრება – ღარიბაშვილი

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com