აჭარის საზოგადოებრივი ჯანდაცვის ცენტრის ცნობით, 1-ელი ნოემბრის მონაცემებით, აჭარაში კორონავირუსზე სრულად, ორი დოზით აცრილია მოზრდილი მოსახლეობის 38.8 პროცენტი, ხოლო ერთი დოზით – 41.2 პროცენტი.
რეგიონში სულ ჩატარდა 216 398 ვაქცინა, ბუსტერდოზით აცრილია 75 ადამიანი.
კოვიდის 14-დღიანი დადებითობის მაჩვენებელი რეგიონში 3.1 პროცენტია, ერთი კვირის განმავლობაში – 3.3, ხოლო გასული დღის – 4.4%.
რაც შეეხება მთელი ქვეყნის მონაცემებს, დაავადებათა კონტროლის ეროვნული ცენტრის ცნობით, დღეის მონაცემებით საქართველოში სრულად ვაქცინირებულია 940 546 ადამიანი – მოზრდილი მოსახლეობის 32.9%, ხოლო 1 დოზით ვაქცინირებულია 1 036 464 ადამიანი – მოზრდილი მოსახლეობის 36.5 %.
ბოლო კვირებია საქართველოში ვაქცინაციის ტემპი მნიშვნელოვნად დაეცა. გასული დღე-ღამის განმავლობაში 1402 აცრა ჩატარდა კოვიდზე.
______________
ფოტოზე: პედაგოგების ვაქცინაცია. ფოტო: იუნისეფი