Batumelebi | დამატებითი შეზღუდვების დაწესება არ განიხილება – ჯანდაცვის სამინისტრო დამატებითი შეზღუდვების დაწესება არ განიხილება – ჯანდაცვის სამინისტრო – Batumelebi
ნეტგაზეთი • RU

დამატებითი შეზღუდვების დაწესება არ განიხილება – ჯანდაცვის სამინისტრო

საქართველოს ჯანდაცვის სამინისტრო აცხადებს, რომ საქართველოში ამ ეტაპზე არ განიხილება კორონავირუსის პანდემიის გამო დაწესებული შეზღუდვების გამკაცრება. სამინისტროს განცხადება ეხმიანება გავრცელებულ, დაუდასტურებელ ინფორმაციას იმის შესახებ, რომ კოვიდპანდემიის გამო იგეგმება ტრანსპორტის შეზღუდვა.

„დამატებითი შეზღუდვების დაწესების აუცილებლობა ამ ეტაპზე არ განიხილება.

თუ ვინმე ავრცელებს, რომ დამატებითი შეზღუდვების დაწესება იგეგმება, ეს არის ტყუილი და მოსახლეობის შეცდომაში შეყვანას ემსახურება.

როგორც ჩანს, ამას გარკვეული ჯგუფები მიზანმიმართულად აკეთებენ,“ – აცხადებს ჯანდაცვის სამინისტრო.

განცხადებაში აღნიშნულია, რომ ოქტომბრის დასაწყისიდან შემთხვევების მატებას ლოკალიზებული ხასიათი ჰქონდა და უპირატესად შეეხო იმ რეგიონებს, სადაც აცრილი მოსახლეობის რაოდენობა შედარებით მცირეა, მათ შორის კახეთსა და იმერეთს.

ჯანდაცვის სამინისტრო მოსახლეობას დადგენილი რეგულაციების დაცვისა და ვაქცინაციისკენ მოუწოდებს.

 

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com