Batumelebi | ხელვაჩაურის მერი ზაზა დიასამიძე გახდა | წინასწარი ხელვაჩაურის მერი ზაზა დიასამიძე გახდა | წინასწარი – Batumelebi
ნეტგაზეთი • RU

ხელვაჩაურის მერი ზაზა დიასამიძე გახდა | წინასწარი

ცესკოს წინასწარი მონაცემების თანახმად, ხელვაჩაურის მერი არჩევნების მეორე ტურის შედეგად ზაზა დიასამიძე გახდა, „ქართული ოცნების“ კანდიდატი.

„ქართული ოცნების“ ხელვაჩაურის მერობის კანდიდატმა ზაზა დიასამიძემ ამომრჩეველთა ხმების 55.007 პროცენტი მიიღო – 13 382 ხმა, „ერთიანი ნაციონალური მოძრაობის“ კანდიდატმა მიშა ბოლქვაძემ კი 44.993 პროცენტი – 10 946 ხმა.

ამ დროისთვის ხელვაჩაურში 47 უბნიდან  უბნიდან ყველა დათვლილია.

არჩევნების პირველ ტურში, რომელიც 2 ოქტომბერს გაიმართა, ზაზა დიასამიძემ 10 967 ხმა მიიღო, მიშა ბოლქვაძემ კი – 9 942 ხმა.

ცესკოს მონაცემებით, ხელვაჩაურში ხმა მისცა 24 768-მა მოქალაქემ – რეგისტრირებულ ამომრჩეველთა 55.75 პროცენტმა.

2021 წლის ადგილობრივი თვითმმართველობის არჩევნებზე ხელვაჩაურში სულ 44 423 ამომრჩეველი იყო რეგისტრირებული.

ამავე თემაზე: 

„ხელვაჩაურში მცირე პრობლემებია დარჩენილი“ – „ოცნების“ მერობის კანდიდატი 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com