Batumelebi | „იმედი მაქვს, პოლარიზაცია დასრულდება“ – პრეზიდენტის კომენტარი ხმის მიცემის შემდეგ „იმედი მაქვს, პოლარიზაცია დასრულდება“ – პრეზიდენტის კომენტარი ხმის მიცემის შემდეგ – Batumelebi
ნეტგაზეთი • RU

„იმედი მაქვს, პოლარიზაცია დასრულდება“ – პრეზიდენტის კომენტარი ხმის მიცემის შემდეგ

ავტორი: ევა ართმელაძე 

დღეს, 30 ოქტომბერს, ადგილობრივი თვითმმართველობის არჩევნების მეორე ტურზე ხმა მისცა საქართველოს პრეზიდენტმა, სალომე ზურაბიშვილმა.

„მე ძალიან დიდი იმედი მაქვს, რომ ეს პოლარიზაცია, რაც ჩვენ ვნახეთ წინა საარჩევნო პერიოდში, დასრულდება, იმიტომ, რომ ამ ქვეყნისთვის უნდა დასრულდეს. თუ არა – ხეირობს მხოლოდ ერთი, ჩვენი მეზობელი“ –  განაცხადა სალომე ზურაბიშვილმა მედიასთან.

მან აღნიშნა, რომ ხმა მისცა „ერთიანობას, სიწყნარესა და სიმშვიდეს“. 

დღეს საქართველოს მოსახლეობა ადგილობრივი თვითმმართველობის არჩევნების მეორე ტურში ირჩევს მერებს 5 თვითმმართველ ქალაქსა და 15 მუნიციპალიტეტში, ხოლო 24 საარჩევნო ოლქში – საკრებულოების 42 მაჟორიტარ წევრს.

 

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.