Batumelebi | მერის არჩევნების წინასწარი შედეგები ხელვაჩაურში | მოსალოდნელია II ტური მერის არჩევნების წინასწარი შედეგები ხელვაჩაურში | მოსალოდნელია II ტური – Batumelebi
ნეტგაზეთი • RU

მერის არჩევნების წინასწარი შედეგები ხელვაჩაურში | მოსალოდნელია II ტური

ცესკოს წინასწარი მონაცემებით, 2 ოქტომბრის ადგილობრივი თვითმმართველობის არჩევნებზე „ქართული ოცნების“ მერობის კანდიდატმა ხელვაჩაურში, ზაზა დიასამიძემ, ამომრჩეველთა ხმების 42.9% მიიღო, ხოლო ოპოზიციური ერთობის მერობის კანდიდატმა მიშა ბოლქვაძემ – 41.18 %.

ამ დროისთვის ხელვაჩაურში 47 საარჩევნო უბნიდან დათვლილია 43 უბანი.

ამომრჩეველთა ხმების 15.52% მიიღო ჯუმბერ ბერიძემ, „გახარია საქართველოსთვის“ ქობულეთის მერობის კანდიდატმა.

ამ მონაცემებით, ხელვაჩაურში მერის არჩევნების მეორე ტური გაიმართება, რადგან არც ერთ კანდიდატს არ აქვს ამომრჩევლის ხმების 50 პროცენტთან მიახლოებული შედეგი.

მერის არჩევნებში გამარჯვებულად ითვლება ის კანდიდატი, რომელმაც არჩევნებში მონაწილე ამომრჩეველთა ხმების 50%-ზე მეტი მიიღო, წინააღმდეგ შემთხვევაში ინიშნება არჩევნების მეორე ტური, სადაც მონაწილეობს 2 კანდიდატი, რომლებმაც პირველ ტურში სხვებზე მეტი ხმა მიიღეს.

მერის არჩევნების მეორე ტური ტარდება მერის არჩევნებიდან მეოთხე შაბათს.

ცესკოს მონაცემებით, ხელვაჩაურში ხმა მისცა 25 908-მა მოქალაქემ – რეგისტრირებულ ამომრჩეველთა 58.31%-მა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com