Batumelebi | „დაგიმტვრევ თავ-ყბას“ – საიას დამკვირვებლისთვის ბათუმში ტელეფონის წართმევა სცადეს „დაგიმტვრევ თავ-ყბას“ – საიას დამკვირვებლისთვის ბათუმში ტელეფონის წართმევა სცადეს – Batumelebi
RU | GE  

„დაგიმტვრევ თავ-ყბას“ – საიას დამკვირვებლისთვის ბათუმში ტელეფონის წართმევა სცადეს

„დაგიმტვრევ თავ-ყბას თუ უფლება არ გაქვს და ისე იღებ” – ამ სიტყვებით ბათუმის N44 უბანზე საიას დამკვირვებელს მიმართავს უბნის მიმდებარე ტერიტორიაზე მყოფი უცნობი პირი.

ვიდეოში, რომელსაც ბათუმის N44 უბანზე საქართველოს ახალგაზრდა იურისტთა ასოციაციის თემურ ირემაძე იღებს, ისმის, რომ უბნის გარე პერიმეტრზე გარკვეული მობილიზება შეინიშნება.  ამავდროულად კადრში ჩანს უცხო პირი, რომელიც მას გზას უღობავს, აგრესიულად მიმართავს, შემდეგ კი ართმევს ტელეფონს და N44 უბნის მიმართულებით, კომისიის თავმჯდომარესთან მიდის იმის გასარკვევად, აქვს თუ არა დამკვირვებელს გარე პერიმეტრზე გადაღების უფლება.

უცხო პირი ვიდეოში ამბობს, რომ თავადაც დამკვირვებელია, თუმცა მას დამკვირვებლის ბეიჯი არ უკეთია.

მომხდარ ფაქტთან დაკავშირებით საიამ მიმართა შინაგან საქმეთა სამინისტროს.

„ბათუმელები“ შს სამინისტროს დაუკავშირდა კითხვით, დაიწყო თუ არა მოკვლევა ან გამოძიება აღნიშნულ ფაქტზე. პასუხის მიღებისთანავე მასალა განახლდება.

ნეტგაზეთის მასალების სხვა გამოცემებში გადაბეჭდვის წესი
ავტორი
ია ფრანგიშვილი არის გაზეთ "ბათუმელების" რეპორტიორი 2014 წლიდან