ძლიერი წვიმის გამო ბათუმში ათობით ქუჩაა დატბორილი. რთული მდგომარეობაა პუშკინისა და მელიქიშვილის ქუჩებზე, სადაც წყალმა პირველ სართულზე მდებარე მაღაზიებში შეაღწია და დატბორა.
წვრილი ბიზნესის წარმომადგენლები ამბობენ, რომ მერიასა და 112-ში დილის 6 საათის შემდეგ რეკავდნენ. „არც მთავრობიდან ყოფილა არავინ და არც ბათუმის მერიიდან. დილის 6 საათის შემდეგ აქ ვართ. 1 მეტრო სიმაღლის წყალი იდგა მაღაზიებში“, – გვითხრეს ადგილზე მაღაზიების მეპატრონეებმა.
სავაჭრო ობიექტების მფლობელები ასუფთავებენ დატბორილ და ატალახებულ სავაჭრო ობიექტებს და ცდილობენ დაახარისხონ გაფუჭებული საქონელი.
დატბორილი მაღაზია მელიქიშვილის ქუჩაზე
პუშკინის ქუჩაზე ასევე დაიტბორა მანქანებიც, თუმცა მათი რაოდენობის შესახებ ჯერჯერობით ზუსტი მონაცემი არ ვრცელდება.