Batumelebi | წელს 5 ათასამდე ორსული დაინფიცირდა კოვიდით – ჯანდაცვის მინისტრის მოადგილე წელს 5 ათასამდე ორსული დაინფიცირდა კოვიდით – ჯანდაცვის მინისტრის მოადგილე – Batumelebi
RU | GE  

წელს 5 ათასამდე ორსული დაინფიცირდა კოვიდით – ჯანდაცვის მინისტრის მოადგილე

ჯანდაცვის მინისტრის მოადგილის, თამარ გაბუნიას განცხადებით, მიმდინარე წელს ორსულებში დელტა შტამის გავრცელება იყო ძალიან სწრაფი და ინფიცირების მაჩვენებელმა 5 ათასს მიაღწია.

„2020 წელს ჩვენ  ორსულებში გვქონდა 1300-მდე ინფიცირების შემთხვევა და აქედან მხოლოდ 1 იყო გარდაცვალება. წელს ინფიცირებული ორსულების რაოდენობამ თითქმის 5 000-ს მიაღწია.

ერთდროულად, ერთსა და იმავე პერიოდში, ინფიცირებული იყო 40-50 ორსული, რა თქმა უნდა, მდგომარეობა იყო სხვადასხვანაირი, მაგრამ გარდაცვალების მაჩვენებელი იყო 0.3 პროცენტი, რაც საერთო სიკვდილიანობასთან შედარებით დაბალია, მაგრამ  ვიცით, როგორი რთულია ორსულის და ახალშობილის გარდაცვალება, რისი შემთხვევებიც ჩვენ გვქონდა“- თქვა თამარ გაბუნიამ.

მისი თქმით, ორსულების ვაქცინაცია მიმდინარეობს, თუმცა ტემპი არც თუ ისე მაღალია. „რა თქმა უნდა, მეტი აქტიურობაა საჭირო“- ამბობს გაბუნია.

ჯერჯერობით საქართველოში ორსულების ვაქცინაცია დასაშვებია მხოლოდ „ფაიზერის“ ვაქცინით.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com