Batumelebi | მოსალოდნელია ტემპერატურის მკეთრი მატება – საგანგებოს განცხადება მოსალოდნელია ტემპერატურის მკეთრი მატება – საგანგებოს განცხადება – Batumelebi
ნეტგაზეთი • RU

მოსალოდნელია ტემპერატურის მკეთრი მატება – საგანგებოს განცხადება

საგანგებო სიტუაციების მართვის სამსახურის განცხადებით, მომდევნო რამდენიმე დღის განმავლობაში მთელი საქართველოს მასშტაბით მოსალოდნელია ტემპერატურის მკვეთრი მატება.

„ასევე გარკვეულ რაიონებში მოსალოდნელია ძლიერი ქარი, რის გამოც, იზრდება  ტყისა და მინდვრის ხანძრის გაჩენის რისკი.  საგანგებო სიტუაციების მართვის სამსახური მოგიწოდებთ, გამოიჩინოთ მაღალი სამოქალაქო პასუხისმგებლობა, არ დაანთოთ ცეცხლი სასოფლო სამეურნეო სავარგულებზე, ტყის ან ველის სიახლოვეს და არ დატოვოთ ცეცხლის კერები უყურადღებოდ. გასათვალისწინებელია, რომ საყოფაცხოვრებო ნარჩენებს თვითაალება შეუძლიათ, შესაბამისად,ნუ დაანაგვიანებთ გარემოს. -“ ნათქვამია განცხადებაში.

საგანგებო სიტუაციების სამსახური მოუწოდებს მოსახლეობას, რომ დაკვამლიანების ან  ცეცხლის  შემჩნევის შემთხვევაში დაუყოვნებლივ დარეკონ 112-ში.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com