ბათუმის მერია საკათედრო ტაძრის მიმდებარე სკვერში [ზუბალაშვილისა და ბარათაშვილის ქუჩების კვეთაში] 80 კვ/მ ტერიტორიას 5-წლიანი იჯარით გასცემს.
მომავალმა მოსარგებლემ იჯარით აღებულ ნაკვეთზე უნდა მოაწყოს ბავშვთა გასართობი სივრცე/ატრაქციონები, მათ შორის კომერციული მიზნითაც, ნაკვეთის მიმდებარე სკვერში კი – უფასო სასრიალო და საქანელები.
აუქციონში გამარჯვებული ნაკვეთის სარგებლობისთვის ვალდებული იქნება ქალაქის ბიუჯეტში წლიურად 7 600 ლარი შეიტანოს, თუმცა ეს არის აუქციონის საწყისი ფასი. აუქციონის ბიჯი 230 ლარია.
ელექტრონული აუქციონი გამოცხადებულია და 2021 წლის 31 აგვისტოს დასრულდება.
აუქციონის პირობის მიხედვით, მომავალი მოიჯარე [აუქციონში გამარჯვებული] ვალდებულია:
- „მიწის ნაკვეთზე მოაწყოს ბავშვთა გასართობი სივრცე/პარკი; რომლის მოწყობის მიზნით, ხელშეკრულების გაფორმებიდან არაუგვიანეს 4 თვისა, უნდა განათავსოს სხვადასხვა სახის გასართობი ატრაქციონი, მათ შორის კარუსელები, ბატუტი, სათევზაო აუზი და სხვა, რომელსაც ექნება კომერციული დატვირთვა“;
- მანვე „ხელშეკრულების გაფორმებიდან არაუგვიანეს 4 თვეში, იჯარით აღებული მიწის ნაკვეთის სიახლოვეს [სკვერში] უნდა განათავსოს ბავშვთა სასრიალო [უფასო], სათამაშო მაგნიტური სილა [უფასო] და შშმ ბავშვებისათვის ადაპტირებული ინკლუზიური მინისაქანელები [უფასო] და სხვა;
- იჯარის უფლებით გადაცემული ქონება გამოიყენოს მხოლოდ დანიშნულებისამებრ;
- განახორციელოს როგორც იჯარის უფლებით სარგებლობაში მიღებული მიწის ნაკვეთის, ასევე მიმდებარე ტერიტორიის მოვლა-პატრონობა და დასუფთავება“.
აუქციონში გამარჯვებულს უფლება აქვს სარგებლობაში მიღებულ მიწის ნაკვეთზე ბილეთების რეალიზაციის მიზნით განათავსოს სალარო ჯიხური; თუმცა ეკრძალება ამავე ნაკვეთზე განათავსოს სავაჭრო ან საზოგადოებრივი კვების ობიექტი.
„იჯარის ხელშეკრულების ვადამდე შეწყვეტის შემთხვევაში, მიუხედავად ხელშეკრულების შეწყვეტის დროისა, მოიჯარე (აუქციონში გამარჯვებული) სრულად იხდის იმ სახელშეკრულებო წლის სარგებლობის საფასურს, როდესაც მოხდა ხელშეკრულების ვადაზე ადრე შეწყვეტა“, – აღნიშნულია აუქციონის პირობაში.
—
ბათუმის მერიამ 2016 წელს ქალაქის სხვადასხვა სკვერში, მათ შორის საკათედრო ტაძრის მიმდებარედ, საზოგადოებრივი საპირფარეშოების მოწყობაზეც გამოაცხადა აუქციონი, თუმცა ეს პროექტი არ შედგა: