ნეტგაზეთი • RU

4 ახალი შეზღუდვა, რომლებიც 14 აგვისტოდან შედის ძალაში

14 აგვისტოდან 4 სექტემბრამდე ქვეყანაში ახალი შეზღუდვები წესდება. საკოორდინაციო საბჭომ გადაწყვეტილება დღეს, 12 აგვისტოს, მიიღო.

სამი კვირით [14 აგვისტოდან-4 სექტემბრამდე] წესდება შემდეგი შეზღუდვები:

  • იზღუდება მუნიციპალური ტრანსპორტის მოძრაობა. შეზღუდვა არ ეხება საქალაქთაშორისო ტრანსპორტს.
  • კვების ობიექტების მუშაობა ნაცვლად 00:00 საათისა 23:00 საათამდე იქნება დასაშვები.
  • იზღუდება ბავშვთა გასართობი ცენტრების მუშაობა.
  • სრულიად იზღუდება ფესტივალები, მასობრივი ღონისძიებები, კონცერტები და სპორტული შეჯიბრებები, გარდა იმ სპორტული შეჯიბრებებისა, რომლებიც იმართება საერთაშორისო ეგიდით.

მთავრობამ საჯარო და კერძო სექტორს თანამშრომლების მუშაობის დისტანციურ რეჟიმზე გადასვლისკენ მოუწოდა.

„საჯარო უწყებებს ეძლევათ დავალება მაქსიმალურად გადაიყვანონ თანამშრომლები მუშაობის დისტანციურ რეჟიმზე და ანალოგიური რეკომენდაციით მივმართავთ კერძო სექტორს” – განაცხადეს საკოორდინაციო საბჭოს დასრულების შემდეგ.

გარდა ამისა, ძალაში რჩება აქამდე არსებული ყველა შეზღუდვა, მათ შორის პირბადის ტარების ვალდებულება ყველა დახურულ და ხალხმრავალ სივრცეში – მათ შორის ბაზრობებზე, და, ასევე, ღია სივრცეში, სადაც იკრიბება 5-ზე მეტი ადამიანი.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com