მთავარი,სიახლეები

„ვაქცინაციაა ერთადერთი გონივრული გამოსავალი“ – დეკანოზი ზაზა თევზაძე აიცრა

12.08.2021 • 1563
„ვაქცინაციაა ერთადერთი გონივრული გამოსავალი“ – დეკანოზი ზაზა თევზაძე აიცრა

დეკანოზი ზაზა თევზაძე კორონავირუსზე „ფაიზერის“ ვაქცინით აიცრა. დეკანოზმა აცრის დამადასტურებელი ფოტო ფეისბუქზე გამოაქვეყნა.

„მე, მართლმადიდებელი ეკლესიის დეკანოზი ზაზა თევზაძე ავიცერი კოვიდ 19 საწინააღმდეგო ვაქცინით, კერძოდ “ფაიზერით” (ჩაიარა მცირე გვერდითი მოვლენებით).

მინდა გვჯეროდეს, რომ რელიგიურობა და მითუმეტეს ქრისტიანული მოძღვრება არ გამორიცხავს კეთილგონიერებას და აღიარებას იმისას, რომ ვაქცინაციაა ერთადერთი ძირითადი გონივრული გამოსავალი ამ გლობალური გაჭირვებიდან თავის დაღწევაში.

იმედს ვიტოვებ, ეს გახდება სტიმულის მიმცემი ადამიანების თუნდაც მცირე ნაწილის გადაწყვეტილებისთვის, დროულად ჩაიტარონ ვაქცინაცია და აღასრულონ ღვთის ნება – ხელი შეუწყონ სიცოცხლის შენარჩუნებას ჩვენს პლანეტაზე!“ – წერს დეკანოზი.

დეკანოზი ზაზა თევზაძე ერთ-ერთია იმ ქართველი მართლმადიდებელი სასულიერო პირებიდან, რომლებიც აიცრნენ და ღიად აცხადებენ ამის შესახებ.

კორონავირუსზე მაისში საჯაროდ აიცრა ბათუმისა და ლაზეთის მიტროპოლიტი დიმიტრი; COVID-19-ის საწინააღმდეგო ვაქცინით აიცრა საქართველოს მართლმადიდებელი ეკლესიის ჩრდილოეთ ამერიკის ეპისკოპოსი საბა ინწკირველი, კოვიდზე აიცრა არქიმანდრიტი ილია თოლორაია, რომელიც სამების საკათედრო ტაძარში მსახურობს; „ასტრაზენეკას“ ვაქცინით აიცრა დეკანოზი გიორგი ჩაჩავა, ჯერ კიდევ მარტში აიცრა დეკანოზი ილია ჭიღლაძე.

გადაბეჭდვის წესი


ასევე: