აჭარის ჯანდაცვის მინისტრის, ნინო ნიჟარაძის განცხადებით, მალე კორონავირუსზე აცრის სივრცე ბათუმის შოთა რუსთაველის უნივერსიტეტშიც გაიხსნება, სადაც კოვიდზე აცრა შესაძლებელი იქნება წინასწარი რეგისტრაციის გარეშე.
„ჩვენ კვირის ბოლოს ერთ დიდ სივრცეს ვამატებთ ბათუმის სახელმწიფო უნივერსიტეტში, სადაც ჯავშნის გარეშე იქნება შესაძლებელი როგორც „ფაიზერით“, ასევე სხვა ვაქცინებით ადმინისტრირება.
ბათუმის უნივერსიტეტში 10-15 ჯგუფით დავიწყებთ მუშაობას და საჭიროების შემთხვევაში გავზრდით. შესაძლებელი იქნება ყველა ვაქცინის მიღება „ასტრაზენეკას“ გარდა“ – განაცხადა ნინო ნიჟარაძემ.
მან ასევე აღნიშნა, რომ ბათუმის სავაჭრო მოლებში კარგად მიმდინარეობს ვაქცინაციის პროცესი და ყოველდღიურად, ორივე მოლში, ჯამში 100 აცრა კეთდება.
