ბათუმის სამედიცინო ცენტრში [BMC] 44 წლის ქალი კორონავირუსით გარდაიცვალა. როგორც სამედიცინო ცენტრში გვითხრეს პაციენტი რეანიმაციაში 31 ივლისს მოათავსეს; მას დაუდგინდა თანმდევი დაავადებაც.
მისი მდგომარეობა გუშინ, 6 აგვისტოს დამძიმდა და ღამით გარდაიცვალა.
ბოლო 24 საათში ბათუმში კორონავირუსით კიდევ ერთი პაციენტი გარდაიცვალა სხვა კლინიკაში. 21 წლის ქალი ბათუმის საუნივერსიტეტო კლინიკაში [ბაუ] კორონავირუსით, 24 ივლისს მოათავსეს, ის გუშინ, 6 აგვისტოს გარდაიცვალა.
7 აგვისტოს დილის მონაცემებით საქართველოში სულ 38 პაციენტი გარდაიცვალა კორონავირუსით, თუმცა გარდაცვალების სტატისტიკა რეგიონების მიხედვით ოფიციალურად აღარ ქვეყნდება.
აჭარის ჯანდაცვის სამინისტროს ინფორმაციით, 2021 წლის 1-ლი ივლისიდან 7 აგვისტომდე პერიოდში აჭარაში კორონავირუსით 43 ადამიანი გარდაიცვალა.
ივლის-აგვისტოში აჭარაში კორონავირუსით 43 ადამიანი გარდაიცვალა
