Batumelebi | ივანე აბაშიძე საერთაშორისო საზღვაო ორგანიზაციის იურიდიული კომიტეტის ვიცე-თავმჯდომარეა ივანე აბაშიძე საერთაშორისო საზღვაო ორგანიზაციის იურიდიული კომიტეტის ვიცე-თავმჯდომარეა – Batumelebi
RU | GE  

ივანე აბაშიძე საერთაშორისო საზღვაო ორგანიზაციის იურიდიული კომიტეტის ვიცე-თავმჯდომარეა

𝟐𝟎𝟐𝟏 𝟐𝟔-𝟑𝟎 ივლისს გაიმართა საერთაშორისო საზღვაო ორგანიზაციის (𝐈𝐌𝐎) საზღვაო იურიდიული კომიტეტის რიგით 𝟏𝟎𝟖-ე სესია (𝟏𝟎𝟖𝐭𝐡 𝐒𝐞𝐬𝐬𝐢𝐨𝐧 𝐨𝐟 𝐈𝐌𝐎 𝐋𝐞𝐠𝐚𝐥 𝐂𝐨𝐦𝐦𝐢𝐭𝐭𝐞𝐞). იურიდიული კომიტეტის წლევანდელი სესია ისტორიულია საქართველოს დელეგაციისათვის. მიმდინარე სესიაზე კომიტეტის ვიცე-თავმჯდომარედ წევრმა სახელმწიფოებმა ერთხმად აირჩიეს საზღვაო ტრანსპორტის სააგენტოს დირექტორის მოადგილე ივანე აბაშიძე.

𝐈𝐌𝐎-ს იურიდიული კომიტეტი შეიქმნა 𝟏𝟗𝟔𝟕 წელს და წარმოადგენს ორგანიზაციის მთავარ ორგანოს საზღვაო და სანაოსნო სამართლის აქტუალური საკითხების გადაწყვეტასთან დაკავშირებით. კომიტეტის მუშაობაში მონაწილეობას იღებს 𝐈𝐌𝐎-ს წევრი ყველა სახელმწიფოს დელეგაცია.

ივანე აბაშიძე წლების განმავლობაში, როგორც საქართველოს დელეგაციის წევრი თუ ხელმძღვანელი, აქტიურად მონაწილეობს 𝐈𝐌𝐎-ს სხადასხვა კომიტეტსა თუ ქვე-კომიტეტში და გამოხატავს საქართველოს პოზიციას არაერთ მნიშვნელოვან საკითხზე. ის წლების განამვლობაში მუშაობს საზღვაო ტრანსპორტის სააგენტოში წამყვანი იურისტის, იურიდიულ და საერთაშორისო ურთიერთობების დეპარტამენტის უფროსის და დირექტორის მოადგილის თანამდებობებზე.

ივანე აბაშიძე 𝟐𝟎𝟏𝟖-𝟐𝟎𝟐𝟎 წლებში საერთაშორისო მობილური სატელიტური ორგანიზაციის (𝐈𝐌𝐒𝐎) მრჩეველთა საბჭოს ვიცე-თავმჯდომარეც გახლდათ. ის ასევე 𝐈𝐌𝐎-ს საერთაშორისო საზღვაო სამართლის ინსტიტუტის (𝐈𝐌𝐎 𝐈𝐌𝐋𝐈) საერთაშორისო საზღვაო სამართლის სამაგისტრო პროგრამის კურსდამთავრებულია.

აღსანიშნია, რომ 𝟐𝟎𝟐𝟏 წლის განმავლობაში ივანე აბაშიძე საქართველოს სახელით ხელმძღვანელობდა გემთმფლობელთა პასუხისმგებლობის შეზღუდვის შესახებ 𝐈𝐌𝐎-ს კონვენციების საერთო ინტერპრეტაციასთან (𝐔𝐧𝐢𝐟𝐢𝐞𝐝 𝐈𝐧𝐭𝐞𝐫𝐩𝐫𝐞𝐭𝐚𝐭𝐢𝐨𝐧 𝐨𝐧 𝐭𝐡𝐞 𝐭𝐞𝐬𝐭 𝐟𝐨𝐫 𝐛𝐫𝐞𝐚𝐤𝐢𝐧𝐠 𝐭𝐡𝐞 𝐨𝐰𝐧𝐞𝐫’𝐬 𝐫𝐢𝐠𝐡𝐭 𝐭𝐨 𝐥𝐢𝐦𝐢𝐭 𝐥𝐢𝐚𝐛𝐢𝐥𝐢𝐭𝐲 𝐮𝐧𝐝𝐞𝐫 𝐭𝐡𝐞 𝐈𝐌𝐎 𝐜𝐨𝐧𝐯𝐞𝐧𝐭𝐢𝐨𝐧𝐬) დაკავშირებით შექმნილ ინტერსესიულ სამუშაო ჯგუფს, რომლის ანგარიშის წარდგენაც განხორციელდა კომიტეტის 𝟏𝟎𝟖-ე სესიაზე.

კომიტეტის 𝟏𝟎𝟖-ე სხდომაზე განიხილეს თანამედროვე საზღვაო და სანაოსნო სამართლის აქტუალური თემები, მათ შორის 𝐈𝐌𝐎 კონვენციების ძალაში შესვლასთან დაკავშირებული საკითხები; მეზღვაურთა სამართლიანი მოპყრობის; გემთმფლობელთა პასუხისმგებლობის შეზღუდვასთან დაკავშირებული 𝐈𝐌𝐎-ს კონვენციების საერთო ინტერპრეტაციის საკითხები და სხვა.

ნეტგაზეთის მასალების სხვა გამოცემებში გადაბეჭდვის წესი
ავტორი