დღეს, 14 ივლისს, ქვეყანაში კორონავირუსის საწინააღმდეგო „ფაიზერის“ ვაქცინა შემოიტანეს და დღეს, დღის 3 საათზე, დაიწყო რეგისტრაცია ვაქცინაზე.
მიუხედავად იმისა, რომ რეგისტრაციის ვებგვერდი შეფერხებით ან საერთოდ არ მუშაობდა, ამ დროისთვის [20:20 სთ] აჭარაში „ფაიზერის“ ყველა ვაქცინა დაჯავშნილია.
„ფაზერის“ ყველა დოზა უკვე დაჯავშნილია თბილისშიც.
„ფაიზერის“ აცრა ბათუმში მხოლოდ რესპუბლიკურ საავადმყოფოშია შესაძლებელი.
დღეს საქართველოში შემოვიდა „ფაიზერის“ ვაქცინის 28 ათასი დოზა, რაც 14 000 ადამიანის ასაცრელადაა საკმარისი.
„ესაა პირველი პარტია მილიონდოზიანი ხელშეკრულების, მეორე-მესამე პატრია უნდა შემოვიდეს თანდათან და მილიონი დოზა უნდა ჰქონდეს ქვეყანას წლის ბოლომდე“, – განაცხადა დღეს დაავადებათა კონტროლის ეროვნული ცენტრის ხელმძღვანელმა ამირან გამყრელიძემ.
„ფაიზერით“ ვაქცინაცია 18 წელს გადაცილებული ასაკის პირებისთვის იქნება შესაძლებელი.
