გამოცდების ეროვნული ცენტრის ინფორმაციით, კოვიდინფიცირების გამო ქართული ენისა და ლიტერატურის გამოცდაზე 80 აბიტურიენტი არ გამოცხადდა. მათთვის დამატებითი სესია დაინიშნება.
დღეს, 6 ივლისს კი, აბიტურიენტები უცხო ენის გამოცდას აბარებენ, რომელიც სამ დღეს გაგრძელდება. საგამოცდო პროცესის პარალელურად დღეს ქართული ენისა და ლიტერატურის ნაშრომების გასწორების პროცესიც დაიწყება.
გამოცდების შედეგები აგვისტოს პირველ ნახევარში გამოქვეყნდება.
2021 წელს ერთიანი ეროვნული გამოცდებისათვის რეგისტრაცია 38 400-ზე მეტმა აბიტურიენტმა გაიარა.
___
ფოტო: აჭარის განათლების სამინისტრო
