Batumelebi | ბობოყვათში საპროტესტო აქციაზე 4 ადამიანი დააკავეს ბობოყვათში საპროტესტო აქციაზე 4 ადამიანი დააკავეს – Batumelebi
RU | GE  

ბობოყვათში საპროტესტო აქციაზე 4 ადამიანი დააკავეს

დღეს, 19 ივნისს, ბობოყვათში მოქალაქეებმა რკინიგზის ლიანდაგი გადაკეტეს, რის გამოც 4 ადამიანი პოლიცამ ადმინისტრაციული სამართალდარღვევის მუხლით დააკავა.

აქციის მონაწილები სანაპირო ზოლში დაახლოებით 28 ჰექტარი მიწის საკუთრებაში გადაცემას ითხოვენ. მათი განცხადებით, აღნიშნული მიწები მათი მამაპაპისეული საკუთრებაა.

აქციის მონაწილეთა განცხადებით, მთავრობა სანაპირო ზოლში ამ მიწების გასხვისებას აპირებს და ისინი ამის უფლებას ხელისუფლებას არ მისცემენ.

აქციის მონაწილეებს საპროტესტო აქცია 8 ივნისსაც ჰქონდა ბობოყვათში, დღეს კი პროტესტის ნიშნად რკინიგზა გადაკეტეს.

აღნიშნული მიწის ნაკვეთები აჭარის მთავრობამ აუქციონზე გაიტანა, ინვესტიციის განხორციელების პირობებით. მიწის ნაკვეთების საწყისი ღირებულება ჯამში 48 მლნ ლარია, ხოლო ბიჯი – 480 ათასი ლარი. აუქციონი უახლოეს დღეებში უნდა დასრულდეს.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com