Batumelebi | დააკავეს კაცი, რომელმაც „სოკარის“ სადგური დააყაჩაღა და 135 ლარი წაიღო – შსს დააკავეს კაცი, რომელმაც „სოკარის“ სადგური დააყაჩაღა და 135 ლარი წაიღო – შსს – Batumelebi
RU | GE  

დააკავეს კაცი, რომელმაც „სოკარის“ სადგური დააყაჩაღა და 135 ლარი წაიღო – შსს

შინაგან საქმეთა სამინისტროს ცნობით, გურიაში, ქალაქ ოზურგეთში,  ყაჩაღობის ბრალდებით, ცხელ კვალზე დააკავეს 1970 წელს დაბადებული, წარსულში ანალოგიური დანაშაულისთვის ნასამართლევი კ.ჭ.

„გამოძიებით დადგინდა, რომ ბრალდებული მიმდინარე წლის 8 ივნისს, ოზურგეთში, ექვთიმე თაყაიშვილის ქუჩაზე მდებარე „სოკარის“ ავტოგასამართ სადგურს ყაჩაღურად თავს დაესხა, გადაჭრილი სანადირო თოფის – ე.წ. აბრეზის მუქარით ოპერატორს 135 ლარი გასტაცა და მიიმალა“, – წერს შსს.

სადგომში ან სხვა საცავში უკანონო შეღწევის გზით ჩადენილ ყაჩაღობის ფაქტზე გამოძიება საქართველოს სსკ-ის 179-ე მუხლის მე-2 ნაწილის „ა“ ქვეპუნქტით მიმდინარეობს.

დანაშაული 6-დან 9 წლამდე ვადით თავისუფლების აღკვეთას ითვალისწინებს.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com