Batumelebi | თურქეთში კომენდანტის საათი საღამოს 10-ზე დაიწყება, კარანტინი კი მხოლოდ კვირას იქნება თურქეთში კომენდანტის საათი საღამოს 10-ზე დაიწყება, კარანტინი კი მხოლოდ კვირას იქნება – Batumelebi
RU | GE  

თურქეთში კომენდანტის საათი საღამოს 10-ზე დაიწყება, კარანტინი კი მხოლოდ კვირას იქნება

თურქეთში კვლავ შეიცვალა კორონავირუსის გავრცელების გამო დაწესებული შეზღუდვები.

თურქული მედიის ცნობით, 7 ივნისიდან, ორშაბათიდან, თურქეთში კომენდანტის საათი იმოქმედებს 22 საათიდან დილის 5 საათამდე, კვირაობით კი ქვეყანაში სრული კარანტინი იქნება ივლისამდე.

აქამდე კომენდანტის საათი თურქეთში 21 საათიდან იწყებოდა და დილის 5 საათამდე გრძელდებოდა, შაბათ-კვირას კი სრული კარანტინი იყო გამოცხადებული.

ოფიციალური მონაცემებით თურქეთში 30, 69 მილიონი ადამიანია აცრილი კორონავირუსზე, მათგან 13,1 – სრულად, ორივე დოზით აიცრა.

ჯონს ჰოპკინსის უნივერსიტეტის მონაცემებით, კორონავირუსის პანდემიის დაწყებიდან დღემდე თურქეთში 5 287 980 ადამიანი ინფიცირდა კოვიდით და 48 164 გარდაიცვალა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com