ნეტგაზეთი • RU

კიშინიოვი – ბათუმი – ჩარტერული რეისები მოლდოვადან კვირაში ორჯერ შესრულდება

25 ივნისიდან მოლდოვური ავიაკომპანია FLYONE ჩარტერულ რეისებს კიშინიოვსა და ბათუმს შორის კვირაში ორჯერ შეასრულებს.

ინფორმაციას საქართველოს აეროპორტების გაერთიანება ავრცელებს.

ჩარტერული რეისები 1-ელ ოქტომბრამდე, კვირაში ორჯერ, ყოველ სამშაბათსა და პარასკევს შესრულდება.

ტურისტული სეზონი აჭარაში ოფიციალურად 15 ივნისს იხსნება.

7 ივნისიდან დაიწყება პირდაპირი, რეგულარული რეისები ბათუმიდან ვარშავის მიმართულებით და პირიქით, ხოლო 10 ივნისიდან უკრაინული ავიაკომპანია Ukraine International Airlines-ი კიევსა და ბათუმს შორის რეგულარულ საჰაერო მიმოსვლას განაახლებს.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com