22 ივნისიდან Red Wings Airlines-ი სოჭიდან ბათუმის მიმართულებით პირდაპირ ფრენებს იწყებს – ამის შესახებ რუსული გამოცემა „კომერსანტი“ წერს სოჭის საერთაშორისო აეროპორტის პრესსამსახურზე დაყრდნობით.
ფრენები შესრულდება კვირაში ორჯერ, ოთხშაბათს და შაბათს.
ამავე დროს, „ეხო კავკაზა“ წერს, რომ სოჭის გარდა ბათუმის მიმართულებით ავიარეისები ბათუმის მიმართულებით 7 ივლისიდან შესრულდება ყაზანიდან, კვირაში ერთჯერ, ოქტომბრის ჩათვლით, ხოლო ქალაქ უფადან – 2024 წლის 4 ივლისიდან 29 აგვისტოს ჩათვლით.
„ეხო კავკაზა“ ციტირებს Red Wings Airlines-ის გენერალური დირექტორის მოადგილეს კომერციის საკითხებში, ალექსანდრე კრუტოვს, რომლის თქმითაც, კომპანია დარწმუნებულია, რომ „ახალ რეისებზე ბათუმში რუსეთის სამი ქალაქიდან იქნება მაღალი სეზონური მოთხოვნა“.
კომპანიის ვებგვერდზე ავიაბილეთები უკვე იყიდება.
