Batumelebi | მეტადონის პროგრამაში ჩართულები 5 დღის დოზას წინასწარ ვეღარ მიიღებენ მეტადონის პროგრამაში ჩართულები 5 დღის დოზას წინასწარ ვეღარ მიიღებენ – Batumelebi
RU | GE  

მეტადონის პროგრამაში ჩართულები 5 დღის დოზას წინასწარ ვეღარ მიიღებენ

მეტადონის პროგრამაში ჩართულები 5 დღის დოზას წინასწარ ვეღარ მიიღებენ.

ნარკომანიის ჩანაცვლებითი სპეციალური პროგრამით მკურნალობის განხორციელების მეთოდიკაში ის პუნქტი, რომელიც მედიკამენტების წინასწარ მიღების შესაძლებლობას იძლეოდა, მინისტრის ბრძანებით, მეთოდიკიდან ამოღებულია.

შესაბამის ბრძანებას საქართველოს ჯანდაცვის მინისტრმა ეკატერინე ტიკარაძემ ხელი 2021 წლის 28 მაისს მოაწერა. ბრძანება დღეს, 31 მაისს, შევიდა ძალაში.

ნარკომანიის ჩანაცვლებითი სპეციალური პროგრამით მოსარგებლეებს 2020 წლის 22 ოქტომბრიდან შეეძლოთ წინასწარ მიეღოთ შესაბამისი პრეპარატების 5 დღის დოზა, თანაც კლინიკაში მიუსვლელად. თუმცა ეს დაშვებული იყო გამონაკლისის სახით – ეპიდემიის, პანდემიის, ეპიდემიოლოგიური აფეთქების დროს – დაავადების გავრცელების პრევენციის მიზნით.

ამ თემაზე:

მეტადონის პროგრამაში ჩართულები 5 დღის დოზას წინასწარ მიიღებენ

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com