„ერთიანი ნაციონალური მოძრაობა“ პარლამენტში შედის. შესაბამისად, ოპოზიციამ აჭარის უმაღლეს საბჭოში შესვლის გადაწყვეტილება მიიღო. ერთიანი ოპოზიციის სიის მიხედვით, აჭარის უმაღლეს საბჭოში შედიან:
- ელგუჯა ბაგრატიონი, წინა მოწვევის უმაღლესი საბჭოს „ერთიანი ნაციონალური მოძრაობის“ ფრაქციის [ენმ] თავმჯდომარე.
- გიორგი კირთაძე – ენმ, ბათუმის ორგანიზაციის ხელმძღვანელი.
- გია აბულაძე – უმაღლესი საბჭოს წინა მოწვევის ოპოზიციური ფრაქციის წევრი.
- მედეა ვასაძე – წინა მოწვევის უმაღლესი საბჭოს წევრი.
- ლევან ანთაძე – ენმ, ბათუმის საკრებულოს წევრი. პარტიაში ჯერ დაზუსტებული არ აქვთ, ვინ შევა საკრებულოში ლევან ანთაძის ნაცვლად.
- მამული სურმანიძე, ენმ – ქობულეთის საკრებულოს წევრი.
ოპოზიციის საარჩევნო სიაში უმაღლეს საბჭოში მეექვსე ნომერი ირაკლი ჩავლეიშვილი იყო. მან უმაღლეს საბჭოში შესვლის გადაწყვეტილება გაცილებით ადრე, დამოუკიდებლად მიიღო.
ოპოზიცია უმაღლეს საბჭოში ფრაქციასაც შექმნის.
აჭარის ბოლო მოწვევის უმაღლესი საბჭო 15 დეკემბერს, პროტესტის ფონზე შეიკრიბა. ოპოზიცია არჩევნების გაყალბების მოტივით პარლამენტში შესვლაზე უარს აცხადებდა.
მთავარ ფოტო: გიორგი კირთაძე, მედეა ვასაძე, გია აბულაძე, მამული სურმანიძე, ელგუჯა ბაგრატიონი, ლევან ანთაძე.
