24 მაისიდან 7 ივნისამდე საზღვარგარეთ მყოფი საქართველოს მოქალაქეები ბიომეტრიულ პასპორტს ნახევარ ფასად მიიღებენ, პირადობის ელექტრონულ მოწმობას კი – უფასოდ. ინფორმაციას იუსტიციის სამინისტრო ავრცელებს.
ბიომეტრიულ პასპორტს ნახევარ ფასად მიიღებს მოქალაქე:
[checklist]
- რომელსაც არასდროს ჰქონია საქართველოს მოქალაქის ბიომეტრიული პასპორტი;
- რომლის ბიომეტრიული პასპორტი ვადაგასულია ან 2021 წლის 7 ივნისამდე გასდის მოქმედების ვადა;
- რომელიც ფლობს ძველ, არაბიომეტრიულ პასპორტს.
[/checklist]
პირადობის ელექტრონულ მოწმობას უფასოდ მიიღებს მოქალაქე:
[checklist]
- რომელსაც არასდროს ჰქონია საქართველოს მოქალაქის პირადობის მოწმობა;
- რომელიც ფლობს პირადობის ძველ, ლამინირებულ დოკუმენტს;
- რომლის ელექტრონული პირადობის მოწმობა ვადაგასულია ან 2021 წლის 7 ივნისამდე გასდის მოქმედების ვადა.
[/checklist]
სპეციალური აქციით სარგებლობა საზღვარგარეთ მყოფ საქართველოს მოქალაქეებს საზღვრის კვეთას, საქმისწარმოებას და იმ ელექტრონული სერვისებით სარგებლობას გაუმარტივებს, რომლებსაც მათ საქართველოს სახელმწიფო სთავაზობს. პიროვნების საიდენტიფიკაციო დოკუმენტები უცხოეთში მყოფ მოქალაქეებს, ასევე, საარჩევნო უფლების რეალიზაციაში დაეხმარება.
იუსტიციის სამინისტროს განცხადებით, სპეციალურ აქციაში ჩასართავად უცხოეთში მყოფმა საქართველოს მოქალაქეებმა საზღვარგარეთ არსებულ საქართველოს დიპლომატიურ წარმომადგენლობებს ან საკონსულო დაწესებულებებს ადგილზე უნდა მიმართონ.
