აჭარის მუნიციპალიტეტებში არსებულ საოჯახო სახლებისა და ტურისტული ლოკაციების მარკირებაზე ტურისტული პროდუქტების განვითარების სააგენტომ ტენდერი გამოაცხადა.
ქობულეთში, ქედაში, შუახევსა და ხულოში ტურისტული მანიშნებლები მეწყობა შემდეგ მარშრუტებზე/ლოკაციებზე:
- შუახევის მუნიციპალიტეტი, ჭვანის ხეობა, ხაბელაშვილები-ლელთის ტბის მარშრუტის მარკირება: სოფ. ხაბელაშვილები – სოფ. ნაღვარევი – ლელთის ტბა;
- ქობულეთის მუნიციპალიტეტი, ტბიყელის მარშრუტის მარკირება: სოფ. ჭახათი-კინტრიშის დაცული ტერიტორიები-ხინოწმინდის მონასტერი-ტბა (უკვემარკირებულ მარშრუტებზე ხდება ნიშნულების დამატება);
- ქედის მუნიციპალიტეტი, გოდერძის ჩანჩქერებთან მისასვლელი ბილიკის მარკირება სამი სოფლიდან: სოფ. ოქტომბერი, სოფ. გარეტყე, სოფ.მეძიბნა:
- ქედის მუნიციპალიტეტი, დანდალოს ჩანჩქერის მარკირება;
- ხულოს მუნიციპალიტეტი, უჩხოს ჩანჩქერის მისასვლელი სოფლის გზის მარკირება;
- საოჯახო სასტუმრო სახლის მარკირება შუახევის მუნიციპალიტეტში: სოფ ტომაშეთში.
- საოჯახო სასტუმრო სახლებისა და მარნების მარკირება – ქობულეთის მუნიციპალიტეტის სოფლებში: სოფ. კვირიკე, სოფ ხალა;
- საოჯახო რეწვის სახლის მარკირება – ქედის მუნიციპალიტეტი, სოფ. უჩხითი.
- ღვინის მარნის მარკირება მახინჯაურში.
ტურისტული მანიშნებლების ზუსტი ლოკაციის მიწოდება გამარჯვებულ პრეტენდენტზე მოხდება ხელშეკრულების გაფორმების შემდგომ. ასევე, გამარჯვებულ პრეტენდენტს სააგენტო გადასცემს ტურისტული ნიშნულების საბეჭდ ვერსიასა და მზა დიაზაინს.
სატენდერო თანხა 50 700 ლარია. წინადადებების მიღება კი 2021 წლის 11 ივნისს დასრულდება. სამუშაოები, გამარჯვებულთან ხელშეკრულების გაფორმებიდან 50 დღეში უნდა დამთავრდეს.
ამავე თემაზე:
43 450 ლარი ხიხანის ციხეზე ასასვლელი ბილიკის მოსაწყობი დოკუმენტებისთვის
