მთავარი,სიახლეები

სამსახურებრივ გულგრილობაზე 3 პირი ამხილეს, მათ 3 წლამდე პატიმრობა ემუქრებათ

21.05.2021 • 1686
სამსახურებრივ გულგრილობაზე 3 პირი ამხილეს, მათ 3 წლამდე პატიმრობა ემუქრებათ

ფინანსთა სამინისტროს საგამოძიებო სამსახურის ცნობით, სამსახურებრივი გულგრილობის ფაქტზე 3 პირი ამხილეს.

ბრალდებულები არიან იმერეთის ერთ-ერთი მუნიციპალიტეტის თანამშრომლები, რომელთაც დავალებული ჰქონდათ აღნიშნულ რეგიონში მიმდინარე გზის სარეაბილიტაციო სამუშაოების ზედამხედველობა.

„სამსახურებრივი მოვალეობების განხორციელებისას მათ მიერ არაჯეროვნად იქნა შესრულებული დაკისრებული მოვალეობები, რამაც საშუალება მისცა კონტრაქტორ კომპანიას რეალურად შეესრულებინა ნაკლები მოცულობის სამუშაოები, ვიდრე ეს ხელშეკრულებით იყო გათვალისწინებული, რითაც არსებითად დაირღვა სახელმწიფოს კანონიერი ინტერესები,“ – იუწყება საგამოძიებო სამსახური.

საგამოძიებოს ცნობით, გამოძიება მიმდინარეობს საქართველოს სისხლის სამართლის კოდექსის 342-ე მუხლის პირველი ნაწილით, რაც სასჯელის სახით ითვალისწინებს თავისუფლების აღკვეთას 3 წლამდე ვადით.

გადაბეჭდვის წესი


ასევე: