![როდის დასრულდება ბარცხანის ხიდის რეაბილიტაცია [Video]](https://batumelebi.netgazeti.ge/wp-content/uploads/2021/05/xidi-es-logo.jpg "როდის დასრულდება ბარცხანის ხიდის რეაბილიტაცია [Video]"){kind=logo}
ბათუმში, ბარცხანის ხიდზე, სარეაბილიტაციო სამუშაოები მიმდინარეობს, რომელიც ხელშეკრულების მიხედვით, 2021 წლის დეკემბერში უნდა დასრულდეს.
ამ დროისთვის ხიდი მთლიანად გათავისუფლებულია ასფალტის საფარისგან, თითქმის მოხსნილია მოაჯირები, უახლოეს პერიოდში კი ხიდზე გამავალი საკომუნიკაციო ქსელების გადატანა დაიწყება.
ხიდს, როგორც ადგილზე დასაქმებულებმა გვითხრეს, სპეციალისტები კიდევ ერთხელ შეისწავლიან [ბურჯების მდგრადობას და სხვა კონსტრუქციებს].
სპეციალურად შეიწამლება ხიდის კონსტრუქციაც, მასზე ამოსული მცენარეების ფესვების გასახმობად.
ამ ყველაფრის შემდეგ კი, დაიწყება სრული სარეაბილიტაციო სამუშაოები.
ბარცხანის ხიდის რეაბილიტაცია / 14.05.2021
რკინიგზაზე გადასასვლელი ე.წ. ბარცხანის ხიდი 1984 წელში აშენდა და მას შემდეგ რეაბილიტაცია არ ჩატარებია. ხიდის სიგრძე 366.3 მეტრია.
ბარცხანის ხიდის რეაბილიტაცია / 19.05.2021
გოგოლის ქუჩისა და ბარცხანის ხიდის რეაბილიტაციისთვის ბათუმის მერიის ინფრასტრუქტურის სამმართველოს ხელშეკრულება შპს „ბომონდი-2009“-თან 2 582 697 ლარზე აქვს გაფორმებული.
მიმდინარე სარეაბილიტაციო სამუშაოების გამო ზოგიერთ ხაზზე მოძრავი მუნიციპალური ავტობუსების მარშრუტი დროებით შეცვლილია [დროებითი მარშრუტი ნახეთ ამ ბმულზე].
აღნიშნული სამუშაოების გამო მოძრაობა ნებისმიერი სახის ავტოტრანსპორტისთვის შეზღუდულია ბარცხანის ხიდისა და გოგოლის ქუჩის მიმართულებით.
ამ თემაზე:
ფიროსმანისა და გორგასლის ქუჩები ჯავახიშვილის ქუჩასთან გადაიკეტა
