ბათუმში ბარცხანის ხიდის სარეკონსტრუქციო სამუშაოები დროზე ადრე დასრულდება.
ბათუმის მერიის ცნობით, ამჟამად ხიდზე მოაჯირების მონტაჟი მიმდინარეობს და ხიდზე მოძრაობა დაახლოებით 10 დღის ვადაში აღდგება.
მოძრაობა უკვე განახლდა გოგოლის ქუჩაზე.
ბარცხანის ხიდის რეაბილიტაცია, ხელშეკრულების მიხედვით, 2021 წლის დეკემბერში უნდა დასრულებულიყო, თუმცა კომპანიამ ვადაზე ორი თვით ადრე დაასრულა სამუშაოები.
ბარცხანის ხიდი
გოგოლის ქუჩისა და ბარცხანის ხიდის რეაბილიტაციისთვის ბათუმის მერიის ინფრასტრუქტურის სამმართველოს ხელშეკრულება შპს „ბომონდი-2009“-თან 2 582 697 ლარზე აქვს გაფორმებული.
რკინიგზაზე გადასასვლელი ე.წ. ბარცხანის ხიდი 1984 წელში აშენდა და მას შემდეგ რეაბილიტაცია არ ჩატარებია. ხიდის სიგრძე 366.3 მეტრია.
