Batumelebi | აჭარის განათლების მინისტრის მოადგილე გადადგა – „სამოქალაქო სექტორში გავაგრძელებ“ აჭარის განათლების მინისტრის მოადგილე გადადგა – „სამოქალაქო სექტორში გავაგრძელებ“ – Batumelebi
RU | GE  

აჭარის განათლების მინისტრის მოადგილე გადადგა – „სამოქალაქო სექტორში გავაგრძელებ“

აჭარის განათლების მინისტრის მოადგილე ალექსანდერე დავითაძე ადასტურებს ინფორმაციას თანამდებობის დატოვების შესახებ.

რაც შეეხება გადაწყვეტილების ოფიციალურ მიზეზს, ამ საკითხზე მისი პასუხი დამკვიდრებული სტანდარტის შესაბამისია, როცა თანამდებობის პირები მოულოდნელად წასვლაზე განცხადებას წერენ, შემდეგ კი ამტკიცებენ, რომ „ამ კონკრეტულ საქმეში საკუთარი თავი ამოწურეს“.

ალექსანდრე დავითაძის ინფორმაციით, მან ამოწურა საკუთარი შესაძლებლობები როგორც განათლების მინისტრის მოადგილის რანგში, ასევე რეგიონულ ახალგაზრდულ ცენტრში [ ის ამ მიმართულებას კურირებდა].

ალექსანდრე დავითაძე ამბობს, რომ გეგმავს სამოქალაქო სექტორში მუშაობას, თუმცა „არასამთავრობო ორგანიზაციას“ არ გულისხმობს.

ალექსანდრე დავითაძეს ამ დრომდე აჭარის მთავრობის თავმჯდომარის კადრად მოიხსენიებდნენ. ის ჯერ მთავრობის აპარატში მუშაობდა, შემდეგ განათლების მინისტრის მოადგილედ გადაიყვანეს.

განათლების ყოფილი მინისტრის ინგა შამილიშვილის თანამდებობიდან გათავისუფლების შემდეგ, ის მინისტრის მოვალეობასაც ასრულებდა.

 

ნეტგაზეთის მასალების სხვა გამოცემებში გადაბეჭდვის წესი
ავტორი