Batumelebi | წელს 3 თვეში 206 მილიონი აშშ დოლარის ავტომანქანა შემოიტანეს – საქართველო წელს 3 თვეში 206 მილიონი აშშ დოლარის ავტომანქანა შემოიტანეს – საქართველო – Batumelebi
RU | GE  

წელს 3 თვეში 206 მილიონი აშშ დოლარის ავტომანქანა შემოიტანეს – საქართველო

2021 წლის პირველ სამ თვეში საქართველოში იმპორტირებულია 206 მილიონ 200 ათასი აშშ დოლარის მსუბუქი და სატვირთო ავტომანქანა.

ეს მაჩვენებელი 17,7 მილიონი დოლარით ნაკლებია პანდემიამდე ანალოგიურ პერიოდთან შედარებით. 2019 წლის იანვარ-მარტში საქართველოში 223,9 მილიონი აშშ დოლარის მსუბუქი და სატვირთო ავტომანქანა იყო შემოტანილი.

წყარო: საქართველოს სტატისტიკის ეროვნული სამსახური

პანდემიამდე, 2019 წლის პირველ სამ თვესთან შედარებით, 2021 წლის პირველ სამ თვეში 22,3 მილიონი აშშ დოლარით შემცირდა ავტომანქანების ექსპორტიც.

საქართველოს სტატისტიკის ეროვნული სამსახურის მონაცემებით, 2019 წლის იანვარ-მარტში საქართველოდან 113,6 მილიონი აშშ დოლარის მსუბუქი და სატვირთო ავტომანქანა გაიტანეს, ხოლო 2021 წლის იმავე პერიოდში – 91,2 მილიონი აშშ დოლარის.

2021 წლის იანვარ-მარტში შემოტანილი ავტომანქანებიდან 81 პროცენტზე მეტი მსუბუქი ავტომანქანა იყო. რაც შეეხება ექსპორტს, საქართველოდან  გატანილი ავტომანქანების 94,7 პროცენტი იყო მსუბუქი.

საქსტატის მონაცემებით, საქართველოში 2021 წლის პირველ სამ თვეში იმპორტირებულია 167 771 200 აშშ დოლარის მსუბუქი ავტომანქანა, ხოლო ამავე პერიოდში ქვეყნიდან გატანილია 86 435 700 აშშ დოლარის მსუბუქი ავტომანქანები.

საქართველოში 2019 წლის პირველი ოქტომბრიდან 2020 წლის პირველ მაისამდე შემოტანილ სატრანსპორტო საშუალებებზე განბაჟების ვადა, პანდემიის გამო, გადავადებული იყო 2021 წლის პირველ მარტამდე, თუმცა ეს ვადა მთავრობამ 2021 წლის პირველ ივნისამდე გადაწია.

შემოსავლების სამსახურის განცხადებით კი, „გადასახადებისგან თავის არიდებისა და არაკანონიერი ქმედებების აღკვეთის მიზნით, რათა არ მოხდეს განსაბაჟებელი სატრანსპორტო საშუალებების დაშლა/დანაწევრება და შემდგომში მისი ავტონაწილებად რეალიზაცია, აუცილებელია განხორციელდეს საბაჟო კონტროლს დაქვემდებარებული ავტოსატრანსპორტო საშუალებების მკაცრი მონიტორინგი.“

ამ თემაზე:

დაჯარიმდებით თუ ავტომანქანას დროულად არ განაბაჟებთ ან ნაწილებად გაყიდით

მთავარი ფოტო: ბათუმის პორტი /გაფორმების ეკონომიკური ზონა / ფოტო „ბათუმელების“ არქივიდან
ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com