ბათუმი-ხულოს გზა - რატომ არ აკეთებენ სახიფათო ადგილებს 2 წელია [ფოტო] - Batumelebi • ბათუმი-ახალციხის გზა, საქართველოს საავტომობილო გზების დეპარტამენტი, ქედა, ხულო, • batumelebi.ge

ქედის მუნიციპალიტეტის ტერიტორიაზე ბათუმი-ახალციხის ავტომაგისტრალი რამდენიმე ადგილზე იმდენადაა დაზიანებული, რომ საფრთხეს უქმნის როგორც ქვეითებს, ასევე ავტომანქანების მოძრაობას – ამას „ბათუმელები“ 2019 წლის მაისში წერდა. ამ ადგილებში, სავარაუდოდ, ადიდებულმა აჭარისწყალმა გამორეცხა ფერდობი, დაზიანებულია სპეციალური რკინის მოაჯირები, მდინარის კალაპოტი კი თითქმის გზის [ასფალტის საფარის] ზოლიდან იწყება.

ზუსტად 2 წლის შემდეგ, გზის ამ მონაკვეთებში არაფერი შეცვლილა.

„ყველა ასეთი ადგილი დასურათებულია და გადაგზავნილია გზების დეპარტამენტში. ალბათ ჩამოვლენ დეპარტამენტის საპროექტოდან სპეციალისტები და შეადგენენ პროექტს, რომლის მიხედვითაც ამ ადგილების აღდგენა-გამაგრებაზე დეპარტამენტი, ალბათ, ტენდერს გამოაცხადებს“, – ეს ერთ-ერთ კომპანიაში „ბათუმელებს“ 2 წლის წინ უთხრეს.

საქართველოს საავტომობილო გზების დეპარტამენტში დღეს ჩვენს სატელეფონო ზარებს არ უპასუხეს.