Batumelebi | უცხოეთიდან შემოტანილი 5 700 ცალი ყვავილი გაანადგურეს – გამოვლინდა მავნე ორგანიზმი  უცხოეთიდან შემოტანილი 5 700 ცალი ყვავილი გაანადგურეს – გამოვლინდა მავნე ორგანიზმი  – Batumelebi
RU | GE  

უცხოეთიდან შემოტანილი 5 700 ცალი ყვავილი გაანადგურეს – გამოვლინდა მავნე ორგანიზმი 

ფინანსთა სამინისტროს შემოსავლების სამსახურის ინფორმაციით, „აეროპორტის“ გაფორმების ეკონომიკურ ზონაში, საერთაშორისო საჰაერო გადაზიდვების ფარგლებში, კენიის რესპუბლიკიდან 5700 ცალი, სხვადასხვა სახეობის მოჭრილი ყვავილი იქნა შემოტანილი.

„კონტროლის პროცედურების განხორციელებისას, საბაჟო დეპარტამენტის სანიტარიული, ფიტოსანიტარიული და ვეტერინარული კონტროლის სამმართველოს თანამშრომლების მიერ  დადგინდა, რომ საქონელი დაბინძურებული იყო მავნე მწერებით, ხოლო აღებული ნიმუშების ლაბორატორიული კვლევის შედეგად საკარანტინო მავნე ორგანიზმი – Frankliniella occidentalis გამოვლინდა,“ – აცხადებს შემოსავლების სამსახური.

სამსახურის ინფორმაციით, აღნიშნული საქონელი განადგურებას დაექვემდებარა.

ეს მწერი [Frankliniella occidentalis] მრავალი კულტურული მცენარის მავნებელია.

 

მთავარი ფოტო: შემოსავლების სამსახური
ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com