Batumelebi | აჭარაში „სინოფარმი“ ხულოსა და შუახევშიც სრულად დაჯავშნილია აჭარაში „სინოფარმი“ ხულოსა და შუახევშიც სრულად დაჯავშნილია – Batumelebi
RU | GE  

აჭარაში „სინოფარმი“ ხულოსა და შუახევშიც სრულად დაჯავშნილია

აჭარის ექვსივე მუნიციპალიტეტში დაჯავშნილია ჩინური „სინოფარმის“ ვაქცინა.

booking.moh.gov.ge-ს მონაცემებით, ამ დროისათვის [13:30 სთ] „სინოფარმის“ მხოლოდ ერთი დოზაა დარჩენილი ხულოში.

აჭარის ჯანდაცვის სამინისტროში „ბათუმელებს“ უთხრეს, რომ 12 მაისს იხსნება დამატებით ორი კაბინეტი ბათუმში, საზღვაო ჰოსპიტალში და ორიც – ქობულეთში, სადაც „სინოფრამით“ აცრა იქნება შესაძლებელი, თუმცა ამ კაბინეტებშიც ადგილები უკვე დაჯავშნილია.

„იმ კვირაში აჭარაში კიდევ დაემატება აცრის კაბინეტები, რა რაოდენობის ვაქცინა იქნება აჭარაში ხელმისაწვდომი, ამაზე მიდის მოლაპარაკება,“ – გვითხრეს სამინისტროს პრესსამსახურში.

11 მაისის მონაცემებით, აჭარაში კორონავირუსზე სულ აიცრა 6032 პირი. მათ შორის „ფაიზერით“ – 3174 ადამიანი, „ასტრაზენეკათი“ –  1771 და „სინოფარმით“ – 1087.

„სინოფარმით“ ვაქცინაცია საქართველოში 4 მაისს დაიწყო.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com