დღეს, 3 მაისს, ბერძნული მედიის ერთ-ერთი მთავარი თემა ქვეყანაში გახსნილი კაფეები და რესტორნებია.
კორონავირუსის გამო დაწესებული შეზღუდვებიდან ექვსი თვის შემდეგ ბერძნებს უკვე შეუძლიათ კაფეში წასვლა, თუმცა ქვეყანაში კაფეები და რესტორნები მუშაობს მხოლოდ ღია სივრცეში და მუსიკის გარეშე.
მაგიდასთან დაშვებულია მხოლოდ 6 ადამიანის განთავსება. მიმტანებმა უნდა ატარონ პირბადე და კვირაში ერთხელ გაიარონ ტესტირება კოვიდზე.
რესტორნები და კაფე-ბარები საბერძნეთში 22:45 საათამდე იქნება ღია.
ღია კაფედან გამოაქვეყნა ფოტო ტვიტერზე საბერძნეთის პრეზიდენტმა, ეკატერინი საკელაროპულუმ.
Πρώτη μέρα με την εστίαση πάλι ανοικτή, έστω και με περιορισμούς. Απολαμβάνοντας ένα καφέ και φιλική κουβέντα με γιατρούς από τον Ευαγγελισμό και το Σωτηρία ξαναζούμε μικρές χαρές της καθημερινότητας, που τις θεωρούσαμε αυτονόητες μέχρι να μας τις στερήσει η πανδημία. pic.twitter.com/QZjFMWPhNI
— President GR (@PresidencyGR) May 3, 2021
ჯონს ჰოპკინსის უნივერსიტეტის დღევანდელი მონაცემებით, საბერძნეთში პანდემიის დაწყებიდან დღემდე რეგისტრირებულია კოვიდის 346 422 შემთხვევა. ქვეყანაში 10 453 ადამიანი გარდაიცვალა ვირუსით.
____________
ფოტო: protothema.gr
