Batumelebi | როგორია კავკასიის საერთაშორისო უნივერსიტეტის საკალათბურთო ცხოვრება       როგორია კავკასიის საერთაშორისო უნივერსიტეტის საკალათბურთო ცხოვრება       – Batumelebi
RU | GE  
კავკასია

როგორია კავკასიის საერთაშორისო უნივერსიტეტის საკალათბურთო ცხოვრება      

თუკი კავკასიის საერთაშორისო უნივერსიტეტის სტუდენტი ხარ ან ჩაბარებას სწორედ იქ აპირებ, ალბათ შენც დაძაბული ადევნებ თვალს საქართველოს კალათბურთის ჩემპიონატის „ა“ ლიგას. კავკასიის საერთაშორისო უნივერსიტეტის გუნდი „კავკასია“ გადამწყვეტ მატჩებს ხომ სწორედ ახლა ატარებს იმისათვის, რომ სუპერ ლიგის საგზური მოიპოვოს.

კავკასიის საერთაშორისო უნივერსიტეტის გუნდი „კავკასია“ სუპერლიგის საგზურისთვის იბრძვის

კავკასიის საერთაშორისო უნივერსიტეტის გუნდი „კავკასია“ სუპერლიგის საგზურისთვის იბრძვის

გუნდი ამჟამად ყველაზე მნიშვნელოვანი თამაშების სერიისთვის განსაკუთრებულად ემზადება – სუპერლიგის კლუბ „ბათუმთან“ გამარჯვება „კავკასიისთვის“ 2021 წლის გაზაფხულის ყველაზე მნიშვნელოვანი გამოწვევაა.

გუნდის მწვრთნელი, ბექა წივწივაძე აღნიშნავს, რომ ჩემპიონატში ორი მოთამაშის ტრავმა ყველაზე დიდი უიღბლობა იყო, რაც გუნდს შეიძლებოდა წელს დამმართნოდა.

„ჩვენ ძალიან გვჭირდებოდა დასკვნით ეტაპზე გამართლება, უბრალოდ, ჯანმრთელი მოთამაშეები გვჭირდებოდა. რევაზაშვილისა და გუნდის ერთ-ერთი ლიდერის, კოლეის არყოფნა გუნდს დაეტყო. მიუხედავად ყველაფრისა, ბიჭებს მადლობას ვუხდი თავდაუზოგავი ბრძოლისთვის. ჩვენი მიზანი სუპერლიგის საგზურის მოპოვებაა. წინ მნიშვნელოვანი თამაშები გვაქვს ბათუმის გუნდთან“, – აღნიშნავს, ბექა.

ცნობისთვის, CIU-ს საკალათბურთო კლუბი 2017 წელს ჩამოყალიბდა. მას შემდეგ კლუბმა „ა“ ლიგის ჩემპიონატის ორი ფინალი ითამაშა, თუმცა, სამწუხაროდ, ორივეში დამარცხდა. დამარცხების მიუხედავად, ბექა წივწივაძე თვლის, რომ გუნდმა გამოცდილება საკმარისად დააგროვა.

„ვფიქრობ, რომ დამარცხების ცოდნის გარეშე გუნდი ვერ შედგება გუნდად. გუნდმა უნდა იცოდეს, წინ რა ელის, რამდენად დიდია გამოწვევები, რამდენად მასშტაბური უნდა იყოს ის სტრატეგია, რასაც ვისახავთ. ამ ყველაფრის შემდეგ გამარჯვებას კი სულ სხვა ფასი აქვს“, – აღნიშნავს ბექა.

 რამ უნდა გააერთიანოს უმაღლესი სასწავლებლების სტუდენტები?

უნივერსიტეტმა აუცილებელია იცოდეს ერთი მარტივი ჭეშმარიტება –  მათი სტუდენტები, გარდა ხარისხიანი სწავლებისა, საუნივერსიტეტო ცხოვრების, უნივერსიტეტის სულის გარშემო უნდა გაერთიანდნენ.

ესაა რაღაც, რასაც ერთად უნდა გულშემატკივრობდნენ, რეგულარულ აქტივობებში ებმებოდნენ და რითაც ისინი უნდა ამაყობდნენ. ისინი უნდა ამაყობდნენ იმით, რომ კონკრეტულად ამა თუ იმ უნივერსიტეტში სწავლობენ, რომ მათ ეკუთვნიან.

ერთიანობის განცდა კი ყველაზე უკეთ სპორტში ვლინდება, გულშემატკივრები კი ამ ბრძოლაში გადამწყვეტ როლს თამაშობენ.

ბექა წივწივაძე ამბობს, რომ 2020-2021 წლების სეზონი ამ მხრივ სპორტსმენებისთვის ყველაზე რთული იყო.

„გუნდს ყველაზე მნიშვნელოვანი რამ გამოეცალა – ესაა გულშემატკივრებით სავსე ტრიბუნები, რომლებიც თავიანთი უნივერსიტეტის სახელს სკანდირებენ და ეს სასიცოცხლოდ აუცილებელია ჩვენი ბიჭებისთვის, თუმცა ვიცით, რომ ჩვენი გულშემატკივარი, კსუ-ს თითოეული სტუდენტი და არამხოლოდ ისინი, დისტანციურად კვლავ გვერდში გვიდგას“, – აღნიშნავს ის.

კალათბურთის სიყვარული, მოთმინება და შრომა – არის ის, რასაც გამოცდილი მწვრთნელი თითოეულ ახალგაზრდა და დამწყებ კალათბურთელს ურჩევს.

„რაც შეეხება გულშემატკივარს, იმედი მაქვს, რომ ჩვენ სულ მალე რეალურადაც, კვლავ საკალათბურთო დარბაზში შევხვდებით ერთმანეთს“,-  ამბობს ბექა.

ნეტგაზეთის მასალების სხვა გამოცემებში გადაბეჭდვის წესი
ავტორი