საქართველოს მთავრობის გადაწყვეტილებით, 2021 წლის 2 მაისიდან 2021 წლის 4 მაისის ჩათვლით აიკრძალა სასაფლაოს ტერიტორიაზე შესვლა.
„აკრძალვა არ ეხება იმ ღონისძიებების განხორციელების მიზნით შესვლასა და გადაადგილებას, რომლებიც აუცილებელია მიცვალებულის დაკრძალვისათვის.“ – აღნიშნულია მთავრობის დადგენილებაში.
2 მაისს მართლმადიდებელი ქრისტიანები აღდგომას აღნიშნავენ.
მთავრობის გადაწყვეტილებით 3-12 მაისს აიკრძალა მუნიციპალური ტრანსპორტის მოძრაობაც, თუმცა ეს არ ეხება საქალაქთაშორისო მგზავრობას.
ბათუმისა და სენაკის მიმართულებით აღდგომის დღეებში კი, საქართველოს რკინიგზა დამატებით რეისებს ნიშნავს.
პირველ მაისს, აღდგომის დღესასწაულის წინა ღამეს, კომენდანტის საათი ამოქმედდება ღამის 9 საათის ნაცვლად ღამის 11 საათზე და დასრულდება 2 მაისს, დილის 4 საათზე.
ამ თემაზე:
