ბათუმისა და სენაკის მიმართულებით აღდგომის დღეებში საქართველოს რკინიგზა დამატებით რეისებს ნიშნავს. გაზრდილი მგზავრთნაკადის გამო დამატებითი რეისები 29, 30 აპრილსა და პირველ მაისს დაინიშნა.
დამატებითი რეისი თბილისიდან ბათუმის მიმათულებით 07:25 საათზე გამოვა და ბათუმში დღის პირველ საათზე ჩამოვა, ხოლო ბათუმიდან 13:40 საათზე გავა და თბილისში 19:12 საათზე ჩავა.
რაც შეეხება სენაკის მიმართულებას: დამატებითი რეისი თბილისიდან 08:30 საათზე გამოვა და სენაკში 13:15 საათზე ჩავა, ხოლო სენაკიდან 13:50 საათზე გავა და თბილისში 18:40 საათზე ჩავა.
საქართველოს რკინიგზის ინფორმაციით, გამცილებლები მგზავრებს ვაგონის შესასვლელებში ჩაუტარებენ თერმოსკრინინგს, მატარებელში შესვლისთანავე კი მათ უნდა გაიარონ დეზობარიერი და ხელები დაიმუშაონ სადეზინფექციო ხსნარით.
