Batumelebi | ბათუმში „ნამახვანჰესის“ მოწინააღმდეგეების სოლიდარობის აქცია გაიმართება ბათუმში „ნამახვანჰესის“ მოწინააღმდეგეების სოლიდარობის აქცია გაიმართება – Batumelebi
RU | GE  

ბათუმში „ნამახვანჰესის“ მოწინააღმდეგეების სოლიდარობის აქცია გაიმართება

დღეს, 24 აპრილს, 4:00 საათზე ბათუმში, ერას მოედანზე „ნამახვანჰესის“ მოწინააღმდგეგეების სოლიდარობის აქცია გაიმართება. დღეს  აქტივისტებმა გაავრცელეს ასევე ინფრომაცია, რომ 23 მაისს საპროტესტო აქციას თბილისში გეგმავენ.

“ხელისუფლებამ პრაქტიკულად გადაჭრით გვითხრა უარი დიალოგის გაგრძელებაზე, გამომდინარე იქიდან, რომ არ შესრულდა პირობები, რომლებიც ჩვენ დავაყენეთ კონსტრუქციული დიალოგისთვის… ამიტომ, მოგვიწევს, გადავიდეთ მოქმედების იმ გეგმაზე, რასაც ვაანონსებთ დიდი ხანია”,  —  განაცხადა ვარლამ გოლეთიანმა.

მთავრობამ დღეს გაავრცელა განცხადება, რომლის მიხედვითაც  “ნამახვანჰესის” მშენებელი კომპანია “ამ ეტაპზე გააგრძელებს მხოლოდ პროექტის პირველი ეტაპის მოსამზადებელ სამუშაოებს ინფრასტრუქტურის მიმართულებით, მოქმედი სამშენებლო ნებართვის ფარგლებში”.

მთავრობის ინფორმაციით  მიხედვით, პრემიერ-მინისტრმა კომპანია “ენკასთან” დადებული ხელშეკრულების შესწავლა იუსტიციის სამინისტროს დაავალა. ამასთან, იუსტიციის სამინისტრომ უნდა იქირაოს საერთაშორისო იურიდიული კომპანია, რომელიც შეისწავლის კონტრაქტის პირობების საერთაშორისო პრაქტიკასთან შესაბამისობას.

აქტივისტებმა მთავრობის ეს პოზიცია მალევე შეაფასეს მათი მოთხოვნების შეუსრულებლობად.

სად გაიმართება აქციები 24 აპრილს — “რიონის ხეობის მცველთა” გეგმა

 

ნეტგაზეთის მასალების სხვა გამოცემებში გადაბეჭდვის წესი
ავტორი