Batumelebi | გონიოში მოსახლეობამ მაგისტრალი გადაკეტა – საპროტესტო აქცია გონიოში მოსახლეობამ მაგისტრალი გადაკეტა – საპროტესტო აქცია – Batumelebi
RU | GE  

გონიოში მოსახლეობამ მაგისტრალი გადაკეტა – საპროტესტო აქცია

გონიოს ციხესთან მოსახლეობა საპროტესტო აქციას მართავს. აქციის მონაწილეები გონიოში მიწების დაკანონებას უკვე წლებია ითხოვენ, თუმცა მათ მოთხოვნებს ხელისუფლება არ აკმაყოფილებს.

დღეს, 23 აპრილს, მათ კვლავ გამართეს საპროტესტო აქცია და რამდენიმე წუთით ცენტრალური  მაგისტრალიც გადაკეტეს. ადგილზე იმყოფება საპატრულო პოლიცია, მათ აქციის მონაწილეებს გზა გაათავისუფლებინეს.

მოქალაქეები აცხადებენ, რომ თუ მათ მთავრობის წარმომადგენელი არ შეხვდება, გზას რამდენიმე საათით გადაკეტავენ.

საპროტესტო აქცია – გონიოს მოსახლეობა მიწების დაკანონებას ითხოვს

აქციის მონაწილეებთან იმყოფება ორგანიზაცია „ჩვენი უფლებებისთვის“ ხელმძღვანელი თამაზ ბაკურიძე. ის ამბობს, რომ აქციის მონაწილეები ფინანსთა და ეკონომიკის სამინისტროს წარმომადგენლებს, კონკრეტულად მინისტრ ჯაბა ფუტკარაძეს ელოდებიან და თუ ისინი არ შეხვდებიან მოსახლეობას, შესაძლოა მათ გზა ისევ გადაკეტონ.

საპროტესტო აქცია გონიოში – მოსახლეობა გზა გადაკეტა

„ამ ადამიანებს აღიარების კომისიისგან აქვთ საკუთრება აღიარებული, თუმცა სამინისტროს ნებართვა საჭირო, რომ რეესტრში მიწების რეგისტრაცია შეძლონ. სამინისტრო კი ნებართვას არ აძლევს. ეს მიწები არ არის გონიოს ციხის მიმდებარედ და მათ, ვისაც მიწა მისცეს ამ ტერიტორიაზე, იმ პირობით გადასცეს, რომ ძეგლის მიმდებარედ არ ააშენებენ რაიმე ნაგებობას“, – ამბობს თამაზ ბაკურიძე.

გონიოში აქცია ახლაც [13:54] გრძელდება.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com