ქედის მუნიციპალიტეტმა ერთი ელექტრომიკროავტობუსის შესაძენად ტენდერი გამოაცხადა. შესყიდვის სავარაუდო ღირებულება 243 000 ლარია. წინადადებების მიღება 2021 წლის 10 მაისს დაიწყება და 13 მაისს დასრულდება.
ტექნიკური პარამეტრების მიხედვით, ერთ დამუხტვაზე მიკროავტობუსმა არანაკლებ 130 კმ უნდა გაიაროს. რაც შეეხება სრულად დატენვის დროს, უნდა იყოს არაუმეტეს 6 საათი, სწრაფი დატენვის დრო კი – 50 წუთი. სიჩქარე – არანაკლებ 80 კმ/სთ, ადგილების რაოდენობა – არანაკლებ 8+1 [მათ შორის 1 შშმ პირთა ეტლის გათვალისწინებით].
ტენდერში გამარჯვებულმა მუნიციპალიტეტს ელექტრომიკროავტობუსი ხელშეკრულების დადებიდან 120 დღეში უნდა მიაწოდოს.
ელექტრომიკროავტობუსს ქედის მუნიციპალიტეტი იაპონიის საელჩოდან მიღებული გრანტით შეიძენს. გრანტი 77 235 აშშ დოლარია.
თუ სატენდერო და შესყიდვის პროცედურები რაიმე მიზეზებით დროში არ გაიწელა, საზოგადოებრივი მიკროავტობუსი ქედაში 2021 წლის აგვისტოს ბოლოს, სექტემბრის დასაწყისში გამოჩნდება. საწყის ეტაპზე მიკროავტობუსით მგზავრობა დაბაში უფასო იქნება.
ამ თემაზე ვრცლად:
ქედაში ადაპტირებულ ელექტრომიკროავტობუსს შეიძენენ – იაპონიის საელჩოს გრანტი
